Liverpool ka bërë një hap të madh para në kuadër të Champions League.
Të kuqt kanë arritur fitore në “Guizzeppe Meazza” përballë Inter-it në një ndër ndeshjet më interesante të kësaj faze.
Dy skuadrat, që gjinden në vendin e dytë në ligat e tyra perspektive, vinin në këtë ndeshje si të barabartë, me Liverpool që për një nuancë të vogël konsiderohej si më favorit.
Por kjo gjë nuk u shfaq në fushë.
45 minutëshi i parë ishte shumë i barabartë, me të dy skuadrat që u kujdesën në mbrojtje pa krijuar shumë në sulm.
Në pjesën e dytë, një Inter tjetër u fut në fushë.
Skuadra zikaltër ishte shumë më e mirë në sulm, duke krijuar mundësi të një pas njëshme, por në mungesë të produktit final.
Mundësitë e shumta të humbura, do t’i kushtonin Inter-it.
15 minuta para fundit, nga një korner, Robertson e gjeti kokën e Firmino-s i cili shënoi për 0-1.
Dhjetë minuta më vonë, Mohamed Salah shfrytëzoi një kaos në zonë për të shtyrë topin në rrjetë për 0-2.
Deri në fund, rezultati nuk ndryshoi dhe Inter u mposht 0-2 në ndeshjen e parë.
Ky rezultat i jep epërsi të madhe të kuqve, që praktikisht me një këmbë gjinden në çerekfinalet e këtij edicioni të Champions League.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Përurohet shtatorja më e madhe e Skënderbeut në tokën italiane, nga arbëreshët e San Basile-s
-
Balla: Po punohet për një program të madh asistence ndaj Shërbimit Zjarrfikës, me donatorë të huaj
-
Hamasi tregon se është gati për marrëveshje, izraelitët ende të përçarë
-
Raportet ndërkombëtare që shkërmoqën propagandën qeveritare