Deri në fund të kësaj dekade, Bashkimi Evropian dëshiron të prodhojë një të pestën e prodhimit global të çipave më të fundit gjysmëpërçues.
Gjithashtu synon të nxjerrë kompjuterin e parë kuantik brenda pesë vjetëve, si pjesë e përpjekjeve për të shmangur varësinë nga kompanitë teknologjike, të cilat ndodhen jashtë Evropës.
Agjencia e lajmeve Reuters tregon se plani i BE-së, i quajtur “2030 Compass Digital”, vjen pas situatës pandemike, që kërkon mbështetjen e bllokut 27 vendesh nga teknologjitë në pronësi të kompanive kineze dhe amerikane.
Plani përqendrohet te gjysmëpërçuesit e përdorur nëpër makina, te telefonat inteligjentë, te pajisjet e lidhura me internet apo te kompjuterë të udhëhequr nga inteligjenca artificiale.
Kjo, pasi mungesa globale e gjysmëpërçuesve, ka goditur kompanitë e automjeteve duke detyruar mbylljen e fabrikave të tyre.
Sipas një dokumenti të BE-së të vëzhguar nga Reuters, thuhej se “është niveli ynë i propozuar i ambicies që deri në vitin 2030, prodhimi i gjysmëpërçuesve të qëndrueshëm dhe modernë në Evropë, përfshirë procesorët, të jetë të paktën 20% e vlerës së prodhimit botëror”.
Pjesë e planit është edhe mbulimi i të gjitha familjeve evropiane nga një rrjet Gigabit deri në vitin 2030, me të gjitha zonat e populluara të mbuluara nga 5G-ja.
Mirëpo, ky plan i propozuar do të ketë nevojë të marrë aprovimin e vendeve të BE-së dhe Parlamentit Evropian përpara se të nisë të zbatohet.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ekskluzive: Letra e Francës, Gjermanisë dhe Italisë për Kurtin: Hapat që ndërmore s’mjaftojnë, duhet dërgim në Kushtetuese i draftit të BE-së
-
“Plani i Rritjes do të sjellë rezultate në rajon”
-
Rruga e Ballkanit Perëndimor njeh rënien më të madhe të kalimeve të parregullta
-
Abdixhiku: Letra e Scholzit, Macronit e Melonit ekspozoi populizmin e Kurtit – dështim spektakolar, dëm historik