E quajti arbitrin “juventin”, Federata e Futbollit të Italisë ndëshkon ish-mbrojtësin e Inter-it
Federata Italiane e Futbollit ka ndëshkuar futbollistin e Bologna-s, Gary Medel, me dy ndeshje pezullim si dhe me një gjobë prej 5 mijë eurosh.
Ish-futbollisti i Inter-it protestoi tek arbitri kryesor i ndeshjes, në takimin që skuadra e Juventus-it barazoi në shtëpi ndaj Bologna-s me rezultat 1:1.
Pas protestave, Medel fillimisht u ndëshkua me karton të verdhë, por kur ai nuk ndalej, gjyqtari Juan Luca tregoi edhe kartonin e dytë të verdhë për të, me çka edhe u përjashtua nga loja.
34-vjeçarin nuk e mbajtën nervat në atë moment dhe iu kthye kryesorit të ndeshjes me një gjuhë ofenduese duke e akuzuar se ai ishte tifoz i Juventus-it dhe se po arbitronte në favor të tyre.
Me këtë vendim Federata Italiane ka dashur të jap një shembull në evitimin e rasteve të ngjashme në të ardhmen.
Kujtojmë që po në minutën e 84-të të kësaj ndeshjeje, u ndëshkua me të kuq edhe futbollisti tjetër i Bologna-s, Adama Soumaoro.
Derisa, me dy futbollistë më shumë në fushë, bardhezinjtë arritën ta barazojnë rezultatin në minutën e pestë shtesë me anë të Dusan Vlahovic, pasi që ata ishin duke humbur me golin e shënuar nga Marko Arnautovic në minutën e 52-të.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Jahjaga po bën më shumë përpjekje për shëndetësinë sesa Qeveria Kurti, thotë Haxhiu