Ish Presidenti i Amerikës, Donald Trump, ka paraqitur dorëheqjen e tij nga Federata Amerikane e Televizionit (SAG-AFTRA), siç trasmeton CNN. Ky union përfaqëson afërsisht 160 mijë profesionistë, nga aktorë dhe muzikantë te profesionistë të medias.
Dorëheqja e Trump vjen vetëm disa javë pasi Bordi Kombëtar i unionit votoi që anëtarësia e tij të rivlerësohet nga një komitet disiplinor. Kjo erdhi pas “rolit të Trump-it në nxitjen e sulmit në Kapitolin e SHBA-së, në 6 Janar”.
“Donald Trump sulmoi vlerat që ky union i ka të shenjta, demokracinë, të vërtetën, respektin për amerikanët e të gjitha racave dhe besimeve, si dhe paprekshmërinë e shtypit të lirë,” tha presidenti i sindikatës, Gabrielle Carteris.
“Ekziston një vijë e drejtë nga shpërfillja e tij e gabuar për të vërtetën deri te sulmet ndaj gazetarëve të kryera nga ndjekësit e tij”, vijoi ai.
Në letrën e tij të dorëheqjes, drejtuar direkt Carteris, Trump shkroi, “Unë nuk dëshiroj më të shoqërohem me unionin tuaj”, duke cituar ato që ai i quajti “dështimet e politikave”.
“Ju nuk keni bërë asgjë për mua”, shtoi Trump, duke përmendur krenarinë e tij në paraqitjet e filmave si “Home Alone 2” dhe “Zoolander”.
Në përgjigje të dorëheqjes së Trump, sindikata bëri një deklaratë që thjesht lexonte: “Faleminderit”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE