Gjykata Kushtetuese e Kosovës ka sqaruar sot qëndrimin e saj mbi mundësinë e kandidimit të Albin Kurtit në zgjedhjet e ardhshme parlamentare në Kosovë.
Ky sqarim ka ardhur pas publikimit të aktgjykimit të plotë të ish-deputetit Etem Arifi. Vota vendimtare e Arifit për zgjedhjen e Qeverisë Hoti, u hodh poshtë nga Kushtetuesja. Shkak u bë dënimi për veprën penale të mashtrimit me subvencione që Gjykata e Prishtinës i dha Arifit në mars 2020.
Ky vendim solli rrëzimin e Qeverisë Hoti, duke e çuar Kosovën në zgjedhje të parakohshme.
A do mund të kandidojë Albin Kurti?
Duke marrë shkas nga vendimi për deputetin Arifi, janë hedhur hamendësime edhe mbi mundësinë e kandidimit të Kurtit. Ky i fundit ka një dënim nga Gjykata e Prishtinës në 2018-ën, për përdorimin e gazit lotsjellës në Kuvend.
Kushtetuesja, ndërkohë, ka publikuar vendimin e saj të plotë sot. Në pikën 297 të tij, thuhet se “asnjë person nuk mund të fitojë dhe mbajë mandat të vlefshëm të deputetit nëse është i dënuar për vepër penale sipas parashikimeve në ligj”.
Sipas arsyetimit, ka një aktgjykim të 19 shtatorit 2017 të Gjykatës Supreme. Në aktgjykim, thuhet se “askujt nuk mund t’i mohohet e drejta për të garuar në zgjedhje, nëse një e drejtë e tillë nuk i është hequr me vendim gjyqësor”.
Pra, nëse në dënimin e personit nuk përmendet heqja e të drejtës për t’u zgjedhur, atëherë ai mund të garojë.
Nga ana tjetër, Ligji për Zgjedhjet e Përgjithshme, nuk e kërkon këtë klauzolë. Pavarësisht faktit nëse “heqja e të drejtës për t’u zgjedhur” përmendet apo jo, nëse dikush është shpallur fajtor për një vepër penale tre vitet e fundit përpara zgjedhjeve, atëherë ai nuk mund të garojë.
Në ligj përfshihet edhe heqja e të drejtës për t’u zgjedhur me vendim gjykate.
Arsyetimet nuk përputhen njëri me tjetrin. Aktgjykimi i Kushtetueses lë ende të hapur çdo mundësi mbi figurën e Kurtit.
Vendimi për ta lejuar ose jo të kandidojë i takon në fund KQZ-së./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti në Kongresin e socialistëve evropianë: Qëndrojmë në mbrojtje të demokracisë përballë autokratëve
-
Abdixhiku: Po marrim mbështetje për programin kombëtar të LDK-së
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës
-
Asociacioni kusht për KiE, Molliqaj: Kurti veten e ka mbështetur për muri, Kosova s’duhet të paguajë për gabimet e tij
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës