Detaje rreth tumoreve të Hipofizës

Tumori i hipofizës është shumë i rrallë. Megjithatë, ky tumor mund të shkaktojë probleme serioze, për shkak të madhësisë së tij ose duke prodhuar hormone shtesë që trupi juaj nuk ka nevojë, ndërsa trajtimi i tyre bëhet me ilaçe, rrezatim apo ndërhyrje kirurgjikale.

Vështrim i përgjithshëm

Tumoret e hipofizës janë rritje jonormale që zhvillohen në gjëndrën tuaj të hipofizës.

Disa tumore të hipofizës rezultojnë në një sasi të madhe të hormoneve që rregullojnë funksionet e rëndësishme të trupit tuaj, ndërsa disa të tjera mund të shkaktojnë probleme të tilla që gjëndra e hipofizës tuaj të prodhojë nivele më të ulëta të hormoneve.

Shumica e tumoreve të hipofizës janë rritje jo kanceroze (beninje, adenoma).

Adenomat mbeten në gjëndrën e hipofizës ose në indet përreth dhe nuk përhapen në pjesë të tjera të trupit tuaj.

Ekzistojnë opsione të ndryshme për trajtimin e tumoreve të hipofizës, duke përfshirë heqjen e tumorit, kontrollin e rritjes së tij dhe menaxhimin e niveleve të hormoneve me ilaçe.

Simptomat

Jo të gjithë tumoret e hipofizës shkaktojnë simptoma. Ndonjëherë ato identifikohen rastësisht në një test imazherie siç është një “MRI” ose “CT” e kryer për ndonjë arsye tjetër.

Tumoret e hipofizës që prodhojnë hormone (funksionale) mund të shkaktojnë një sërë shenjash dhe simptomash në varësi të hormonit që prodhojnë.

Shenjat dhe simptomat e tumoreve të hipofizës që nuk i bëjnë hormonet (mosfunksionale) lidhen me rritjen e tyre dhe presionin që ata bëjnë në strukturat e tjera.

Dobësimi, ndjenja e ftohtësisë, cikle më pak të shpeshta ose fare pa periudha menstruale, sasia e shtuar e urinës si dhe humbja apo shtimi i padëshiruar i peshës, mund të jenë disa nga simptomat e rrezikut për tumoret e hipofizës.

Tumoret e mëdhenj të hipofizës – ato me përmasa rreth 1 centimetër (më pak se gjysmë inçi) ose më të mëdhenj – njihen si makroadenoma.

Ndërsa, tumoret më të vegjël quhen mikroadenoma. Për shkak të madhësisë së makroadenomave, ato mund të ushtrojnë presion mbi gjëndrën normale të hipofizës dhe strukturat e afërta.

Kur të vizitoni mjekun tuaj?

Nëse zhvilloni shenja dhe simptoma që mund të shoqërohen me një tumor të hipofizës, shihni mjekun tuaj.

Tumoret e hipofizës shpesh mund të trajtohen për të kthyer nivelet e hormoneve në normale dhe për të lehtësuar shenjat dhe simptomat tuaja.

Nëse e dini se neoplazia endokrine e shumëfishtë, e tipit 1 shfaqet në familjen tuaj, bisedoni me mjekun tuaj për analizat periodike që mund të ndihmojnë në zbulimin e hershëm të një tumori të hipofizës.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.