Rusia ka regjistruar rastin e parë të variantit indian të Covid-19, sipas raportimeve nga gazeta Kommersant. Rasti mendohet se është shfaqur në rajonin e Ulyanovsk-ut.
Të dyshuar si bartës të variantit indian kanë qenë 16 studentë indianë, pjesë e universitetit shtetëror të Ulyanovsk-ut. Kjo vatër është rreth 700 kilometra larg kryeqytetit rus.
Të prekur nga mutacioni indian janë të 16 studentët, ndaj rreziku nga variantit është i madh dhe alarmi është ngritur nga autoritetet ruse.
Nënkryeministrja, Tatiana Golikova, më parë ka deklaruar se nuk ka asnjë rast të shënuar nga varianti. Por, raportimet e përditshme tregojnë një tjetër realitet.
Zyrtarizimi i rasteve gjithsesi ende pritet nga Ministria e Shëndetësisë.
Varianti indian i Covid-19 është cilësuar nga Organizata Botërore e Shëndetësisë si një mutacion me rrezikshmëri shumë të lartë. Sipas studimeve, ai përhapet shumë më shpejt se Covid-i i zakonshëm.
Vetë India është në një krizë të thellë, për shkak të pandemisë. Çdo ditë regjistrohen mesatarisht 350 mijë raste të reja atje. Gjithashtu numri i vdekjeve ditore ka shkuar mesatarisht në 4 mijë, duke krijuar problem edhe me ceremonitë mortore.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Flota “fantazmë” ruse në Mesdhe: Ja se si Moska lëviz armët dhe naftën nën sytë e Perëndimit
-
Meta: Basha dhe Rama punuan kundër LSI-së, tashmë një parti e re
-
Osmani: Serbia duke mos i hapur arkivat po e shkelë deklaratën për të zhdukurit
-
Izraeli qorton thirrjet e SHBA-ve për hetim mbi varrezat masive në Gaza
