Ushtria izraelite thotë se tashmë ka shqyrtuar raportet për varreza masive dhe nuk ka gjetur keqbërje nga forcat e saj, edhe pse administrata amerikane kërkon një hetim mbi këtë çështje.
Gjatë ditëve të fundit, zyrtarët amerikanë i kanë bërë thirrje Izraelit që të hetojë “në mënyrë të plotë dhe transparente” raportet për varrezat masive në spitalin Nasser në Khan Younis, të cilat forcat izraelite i bastisën për herë të fundit në shkurt.
Kur prestigjiozja “Politico” pyeti zëdhënësin e Forcave të Mbrojtjes të Izraelit, Nadav Shoshani, nëse Izraeli ka në plan të hetojë, ai fillimisht hoqi dorë nga pyetja, duke i quajtur raportet “lajme të rreme”.
Të paktën dy nga tre vendet e varrimit u gërmuan përpara se trupat izraelite të mbërrinin, raportoi “The New York Times”.
Por Mbrojtja Civile e Gazës tha se vetëm rreth 100 njerëz u varrosën në varre përpara bastisjes së IDF dhe gjithsej 392 trupa u gjetën.
Pasi u publikuan lajmet për varrezat masive, ushtria izraelite tha se trupat e saj kishin zhvarrosur trupat, në një mënyrë respekti, ndërsa kërkonin pengjet e mbetura.
Ata që nuk u përkisnin pengjeve izraelite u kthyen në varre, tha ushtria.
Udhëheqësit e Bashkimit Evropian dhe Kombeve të Bashkuara kanë bërë thirrje për një hetim të pavarur.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Krejt çka ndodhi në zgjedhjet në Maqedoni të Veriut, fituesit dhe humbësit
-
Asnjë subjekt i posaçëm i SPAK nuk ka përfituar nga Amnistia, garanton Bardhi
-
Cameron thotë se Britania e Madhe nuk do të ndjekë SHBA-të në ndalimin e shitjeve të armëve në Izrael
-
Kosova nën sanksionet e BE-së shënon Ditën e Evropës pa progres drejt integrimeve