Federata e Futbollit të Kosovës, në bashkëpunim me sponsorin kryesor të Superligës së Kosovës, Bankën Kombëtare Tregtare, vazhdojnë ndarjen e çmimit javor, “Ylli i Javës”.
Më këtë çmim nderohet futbollisti i cili e ka pasur paraqitjen më të mirë gjatë xhiros në Superligën e Kosovës.
Dhe për javën e 21-të, atë që shkoi, është zgjedhur futbollisti i Ballkanit, Blendi Baftiu.
Mesfushori me tipare sulmuese, këtë çmim e mori pas fitores 3-0 që Ballkani e arriti në fundjavë përballë Ulpianës.
Baftiu shëoi një gol dhe asistoi një tjetër – duke pasur një paraqitje shumë pozitive për liderët e Superligës.
Ballkani shpreson që pas shumë viteve ku humbi titullin në javët e fundit – këtë vit t’i shkojë deri në fund dhe të qoi në qiell titullin e Superligës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com