Kryeministrja e Serbisë, Ana Bërnabiç, ka bërë të ditur se Serbia do t’i hetojë të gjitha rrethanat në të cilat ka ndodhur sulmi terrorist ndaj Policisë së Kosovës në Manastirin e Banjës të dielën e 24 shtatorit.
Duke folur për terroristin dhe të sanksionuarin e Shteteve të Bashkuara të Amerikës dhe Mbretërisë së Bashkuar, Milan Radojiçiçin, i cili morri përgjegjësinë për organizimin e sulmit, Bërnabiç tha se Serbia “do të bëjë gjithçka që mundet në përputhje me ligjin dhe Kushtetutën për të vepruar siç parashihet”.
“Serbia është shtet ligjor”, ka thënë ajo.
Bërnabiç e cila nuk është distancuar nga terrorizmi ka vazhduar me propagandë duke theksuar se “nuk e arsyeton” vrasjen e askujt e as vrasjen e zyrtarit policorë mirëpo sipas saj “serbët në Kosovë janë duke vuajtur nga presioni i vazhdueshëm, prandaj ka qenë çështje ditësh, çështje minutash, deri tek incidenti”.
Ndryshe Gjykata e Lartë në Beograd ka njoftuar se e ka liruar nga mbajtja ish-nënkryetarin e Listës Serbe, Millan Radojiçiçin, një ditë pas marrjes në pyetje.
Gjyqtari i procedurës paraprake e ka refuzuar propozimin e Prokurorisë së Lartë Publike në Beograd për caktimin e masës së paraburgimit për Radojiçiçin, pas intervistimit.
Prokuroria kishte kërkuar paraburgimin e tij, një ditë më parë, me arsyetimin e rrezikut të arratisjes.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Europapa apo Baby Lasagna? – Garuesit për t’u pasur kujdes në Eurovision 2024
-
Kurti në Kongresin e socialistëve evropianë: Qëndrojmë në mbrojtje të demokracisë përballë autokratëve
-
Universitetet izraelite nuk mund t’u mësojnë hebrenjve amerikanë as gjënë themelore për të drejtat dhe lirinë e njeriut
-
Abdixhiku: Po marrim mbështetje për programin kombëtar të LDK-së
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Niger, pa një strategji të vërtetë Biden po humbet Afrikën
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës