Në një deklaratë të përbashkët të përfaqësuesit të Lartë, Josep Borrell, dhe komisionerit për Fqinjësi dhe Zgjerimin, Olivér Várhely, thuhet se zgjedhjet ishin në përputhje me rekomandimet e OSBE / ODIHR.
“Sipas konkluzioneve paraprake të OSBE / ODIHR, zgjedhjet parlamentare ishin përgjithësisht të organizuara mirë nga administrata zgjedhore”, vijohej më tej në deklaratë.
Gjithashtu u vlerësua edhe Komisioni Qendror i Zgjedhjeve (KQZ), ku shkruhej se ishte një institucion i “reformuar” dhe mbikëqyri procesin zgjedhor në një mënyrë “transparente”.
Borrel dhe Várhely bënë thirrje që forcat politike të sigurojnë funksionimin efektiv dhe demokratik të institucioneve të vendit, si rezultat i këtyre zgjedhjeve. Gjithashtu, në deklaratën e përbashkët kërkohej dhe që çdo parregullsi të hetohej siç duhet.
“Kjo përfshin përgjegjësinë për të ndjekur parimin demokratik të respektimit të rezultatit të zgjedhjeve. Çdo parregullsi e pretenduar duhet të sillet me vëmendje të Komisionit Qendror të Zgjedhjeve dhe autoriteteve të tjera kompetente, dhe rastet duhet të hetohen siç duhet, përfshirë blerjen e votës”.
Ata shtuan se procesi i numërimit duhet të vazhdojë dhe palët e përfshira të procedojnë me shpejtësi dhe në përputhje me procedurat e vendosura.
Në deklaratë mësohet se delegacioni i BE-së do të vazhdojë të ndjekë nga afër zhvillimet elektorale deri në certifikimin përfundimtar të rezultateve.
Zyrtarët e BE-së vlerësuan rrugën e bërë nga Shqipëria drejt Bashkimit Evropian, ku thuhej se vendi ka “treguar këmbëngulje në ndjekjen e reformave të vështira në interes të popullit shqiptar”.
“Ne presim që parlamenti dhe qeveria e re të vazhdojë ndjekjen e axhendës së reformave me vendosmëri, veçanërisht në lidhje me Sundimin e Ligjit. Ne përsërisim thirrjen tonë për dialog konstruktiv dhe gjithëpërfshirës nga të gjitha palët politike”, mbyllej deklarata.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Blinken i thotë Pekinit: Ndaloni së fuqizuari Rusinë ose do të përballeni me sanksione
-
Kurti kërkon nga Baerbock vazhdimin e mbështetjes së Gjermanisë për anëtarësimin e Kosovës në KiE