Atlanta Hawks dhe New Orleans Pelicans mposhtën Cavaliers e Clippers për të hyrë në playoff
Atlanta Hawks dhe New Orleans Pelicans arritën vendet e fundit në play-off të NBA me fitore në ndeshjet e tyre vendimtare play-in të premten.
Trae Young i Hawks shënoi 38 pikë për të frymëzuar skuadrën e tij për një fitore 107-101 ndaj Cleveland Cavaliers.
Më pas Pelicans mposhtën Los Angeles Clippers 105-101 me Brandon Ingram i cili shënoi 30 pikë.
Si pozita e tetë, të dyja skuadrat do të përballen me skuadrën e parë në divizionin e tyre.
Për Hawks, kjo do të thotë një udhëtim i ardhshëm në Florida për t’u përballur me Miami Heat në raundin e parë të play-off-it të Konferencës Lindore, ndërsa në play-off-in e Konferencës Perëndimore, Pelicans do të përballen me Phoenix Suns.
Kjo shënon herën e parë që Pelicans kanë arritur në play-off që nga sezoni 2017-18, ndërsa Hawks arritën në finalet e Konferencës Lindore sezonin e kaluar, ku u mundën nga kampionët e aktual të NBA, Milwaukee Bucks.
Ndeshjet e raundit të parë të play-off-it të NBA
Konferenca Lindore
Miami Heat (1) – Atlanta Hawks (8)
Philadelphia 76ers (4) – Toronto Raptors (5)
Milwaukee Bucks (3) – Chicago Bulls (6)
Boston Celtics (2) – Brooklyn Nets (7)
Konferenca Perëndimore
Phoenix Suns (1) – New Orleans Pelicans (8)
Dallas Mavericks (4) – Utah Jazz (5)
Golden State Warriors (3) – Denver Nuggets (6)
Memphis Grizzlies (2) – Minesota Timberwolves (7)
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Përurohet shtatorja më e madhe e Skënderbeut në tokën italiane, nga arbëreshët e San Basile-s
-
Balla: Po punohet për një program të madh asistence ndaj Shërbimit Zjarrfikës, me donatorë të huaj
-
Hamasi tregon se është gati për marrëveshje, izraelitët ende të përçarë
-
Raportet ndërkombëtare që shkërmoqën propagandën qeveritare