Gjysmëfinalja e Copa America mes Kolumbisë dhe Argjentinës, ishte dramatike dhe shumë e ashpër.
Kësaj ndeshje nuk i mjaftoi koha e rregullt për të gjetur fituesin, dy kombëtaret garuan në penallti, dhe triumfuan Argjentina pas performancës fantastike të portierit, Emiliano Martinez.
Argjentina do të përballen me Brazilin në finalen e Copa Americas, pasi këta të fundit fituan në gjysmëfinale përballë Perusë.
Goli i parë erdhi në minutën e shtatë me anë të Lautaro Martinez, i cili u asistua nga Lionel Messi për epërsinë e Argjentinës.
Pas golit, Kolumbia kishin mundësi shumë të mira, por nuk arritën t’i shfrytëzojnë ato.
Pas rasteve të shumta, kolumbianët gjetën golin në minutën e 61-të me anë të Luis Diaz.
Gjashtë minuta pas golit të kolumbianëve, u inkuadrua Angel Di Maria i cili ndrroi ritmin e lojës në të mirë të Argjentinës.
Në minutën e 72-të, pas një driblimi fantastik të Di Maria-s, ai gjeti të vetëm Lautaro Martinez-in, i cili nuk arriti të shënojë me portën pa portjer.
Pas përfundimit të kohës së rregullt, ndeshja u vendos në penallti, pasi në Copa America nuk ka vazhdime, përveç se në finale.
Dueli mes dy skuadrave ishte shumë i ashpër, e cila u pa edhe në momentet e penalltisë, ku shihej Messi me këmbën e gjakosur.
Penalltia e parë u shënua nga dy anët, Cuadrado dhe Messi të cilët i lanë të shtangur portjerët.
Penalltia e dytë dhe e katërt e Kolumbisë, u pritën në mënyrë fantastike për t’i dhënë edhe një finale Argjentinës.
Kjo është një nga mundësitë e fundit për Leo Messin të fitojë një trofe madhor, me kombëtaren e tij, pasi momenti që 34-vjeçari të lë futbollin po afrohet.
Finalja e madhe e Copa America-s mes Argjentinës dhe Brazilit do të luhet më 11 korrik, në ora 02:00 (me orën tonë lokale).
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Konventa e Lirisë – Meta shndërron partinë për të dytën herë në po aq vjet
-
SPAK firmos urdhërarreste për zyrtarë të Kadastrës, dy në burg
-
Çfarë përfiton Tajvani nga paketa e ndihmës së huaj?
-
Pushteti refuzon të ia jep meritat ish presidentes Jahjaga për sigurimin e aparaturës që ka kosto mbi 1 milionë euro