Kryetari i Lidhjes Demokratike të Kosovës (LDK), Lumir Abdixhiku, ka deklaruar se këto zgjedhje lokale e shënojnë rikthimin e këtij subjekti politik.
Ai ka falënderuar strukturat e LDK-së për angazhimin e tyre.
“Lidhja Demokratike e Kosovës këtë mbrëmje të 17 tetorit e sheh si datë të rikthimit të madh”.
Abdixhiku ka thënë se në Prishtinë e kanë siguruar balotazhin, ndërsa e kanë fituar komunën e Pejës, Lipjanit dhe atë të Fushë Kosovës.
“LDK me kandidatin e saj ka siguruar raundin e dytë (Prishtinë), dhe nga aty ne kemi përfunduar garën në raund të parë në këto komuna: Në Pejë me kryetar Gaz Muhaxhirin, në Lipjan me kryetar Imri Ahmetin, në Fushë Kosovë me kryetar Burim Berishën”.
Ai tutje ka thënë se janë duke pri edhe në qytetin e Gjilanit dhe në atë të Podujevës.
LDK është rikthyer edhe në Llap tha Abdixhiku.
Kurse në qytetin e Vitisë ai tha se “prijmë ashtu siç prijmë sot në Vushtrri dhe në komunën jugore të Dragashit dhe padyshim jemi në raund të dytë edhe në komunën e Junikut”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Rama për “Corriere”: Ndërhyra për të mbrojtur imazhin e vendit tim
-
Opozita i kërkon Kuvendit anulimin e mbledhjes së Komisionit për Shëndetësinë
-
Blinken i thotë Pekinit: Ndaloni së fuqizuari Rusinë ose do të përballeni me sanksione
-
Kurti kërkon nga Baerbock vazhdimin e mbështetjes së Gjermanisë për anëtarësimin e Kosovës në KiE
