Raphael Varane është në një fazë shumë të avansuar të bisedimeve me Manchester United-in.
27-vjeçari që ka fituar gjithçka me Real Madrid-in, duket se po dëshiron t’i jap fund aventurës në Madrid.
Një dekadë pas transferimit të tij në Madrid, e ardhmja e Varane-s është për herë të parë në dyshim.
Jose Alverez, një gazetar shumë i afërt me klubin madrilen raporton që francezi është në bisedime me Manchester United-in.
Ai dëshiron që të provojë një kampionat tjetër, dhe “Old Trafford” duket si destinacioni i tij i preferuar.
Real Madrid-i tashmë është në dijeni që futbollisti nuk dëshiron të rinovojë kontratën e cila skadon në vitin 2022.
Duke e marrë parasysh këtë, në bazë të zërave, mund të themi që Varane po kalon muajt e fundit me fanellën mbretërore.
Për të mos rrezikuar humbjen e tij me parametra zero, Real Madrid-i do të detyrohet ta shesë këtë verë.
Klubi madrilen e vlerëson francezin 70 milionë euro, minimum.
Varane ka fituar katër Champions League me Real Madrid-in, dhe ai po kërkon të pestën këtë sezon, me madrilenët që janë në gjysmëfinalet e këtij kompeticioni.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Balla: 900 mijë pasagjerë më shumë në Rinas se vitin e kaluar, shtojmë 100 efektivë
-
Pedro Sanchez qëndron, nuk dorëhiqet nga pozita e kryeministrit
-
Baerbock bën fushatë për integrimin e Ballkanit, në përvjetorin e zgjerimit të BE-së në 2004
-
Kosova refuzoi “zgjidhje afatgjatë” nga Escobari për dinarin, preferon “kompromis të negociuar” nga Lajçaku