Konjufca dënon sulmin fizik ndaj gazetarit në Prizren: Akt i papranueshëm, s’i shërben synimeve tona si shoqëri
Kryetari i Kuvendit të Kosovës, Glauk Konjufca, ka dënuar sulmin fizik ndaj ekipit të mediumit të Nacionales në Prizren.
Përmes një postimi në Facebook, Konjufca tha se pengimi i punës së gazetarëve apo fyerjet gjatë kryerjes së detyrës “janë të papranushme”.
“Si të tilla, i dënoj me bindjen se nuk i shërbejnë aspak synimeve tona si shoqëri”, shkroi ai.
Kreu i Kuvendit theksoi se media përbën hapësirën dhe mjetin “përmes të cilit fjalët dhe qëndrimet e shprehura publikisht gjejnë mundësinë për shtrirje dhe trajtim më të gjerë të një çështjeje, ndërsa pengimi i gazetarëve është njëkohësisht mbyllje e hapësirës publike dhe tkurrje e vlerave demokratike”.
“Bëj thirrje që organet kompetente ta hetojnë dhe vlerësojnë rastin menjëherë në kuadër të përgjegjësive dhe detyrave të tyre përkatëse”, përfundoi Konjufca.
Edhe Asociacioni i Gazetarëve të Kosovës ka dënuar sulmin fizik ndaj ekipit të mediumit të Nacionales në Prizren.
Nga AGK janë shprehur të tronditur me sulmin ndaj gazetarit Vullnet Krasniqi dhe kameramanit, Arbër Latifi në Prizren, të cilët ishin atje për të raportuar për proteston e thirrur nga imamët lokalë kundër festivalit “DokuFest”.
“Sipas raportimeve të medies, ata janë sulmuar dhe shtyrë fizikisht nga një pjesë e turmës protestuese derisa po kryenin punën e tyre. Ky është një sulm i papranueshëm dhe kërcënim serioz për sigurinë e gazetarëve”, thuhet në reagimin e AGK-së.
AGK-ja ka kërkuar nga Policia arrestimin e menjëhershëm të sulmuesve dhe përballjen e tyre të menjëhershme me drejtësinë.
AGK-ja dënon sulmin fizik ndaj gazetarit në Prizren: Jemi të tronditur
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Izraeli shkon edhe më tej në Rafah duke sfiduar opinionin ndërkombëtar
-
Nathan Thrall: “Evropa duhet të izolojë Izraelin, palestinezët janë në geto prej 50 vitesh”
-
Komandanti i KFOR-it kërkon nga Kurti e Sveçla që të shmangen veprimet e njëanshme
-
Politikani katalunas: Spanja hipokrite dhe me standard të dyfishtë – njeh Palestinën, por jo edhe të drejtën e kosovarëve për shtet
Lajmet kryesore
-
Gërvalla: Nuk e zbatojmë variantin e BE-së për Asociacionin, derisa Beogradi nuk zbaton marrëveshjen e Brukselit
-
Basha kritikon sjelljen e Vuçiç në OKB: Simboli me tre gishta, sinjal i keq për stabilitetin e rajonit
-
Nathan Thrall: “Evropa duhet të izolojë Izraelin, palestinezët janë në geto prej 50 vitesh”
-
Shoqata e Mikrofinancës dënon praktikat në shkelje të ligjit, pas rasteve abuzive të publikuara