Ish-kryetari i Partisë Demokratike, Lulzim Basha, deklaroi se gjuha e urrejtjes ndaj kryeministrit të Kosovës nga presidenti i Serbisë është e papranueshme.
Sipas tij, ajo dëshmon se lidershipi serb nuk është ndarë nga e shkuara.
Lajmi u bë i ditur në median sociale “Twitter”, duke cituar statusin e deputetit demokrat.
Ish kryedemokrati kujtoi se Kosova është shtet i pavarur dhe askush nuk mund t’i imponohet me gjuhën e dhunës.
“Është koha që serbët e Kosovës të shohin drejt së ardhmes dhe mirëqenies, e të mos pranojnë keqpërdorimin e tyre për llogaritë politike të së shkuarës fatkeqe”, thekson Basha.
Presidenti serb Aleksandar Vuçiç njoftoi më herët bojkotimin e Samitit BE-Ballkani Perëndimor që do të mbahet në Tiranë më 6 dhjetor dhe e quajti kryeministrin e Kosovës Albin Kurti llum terrorist.
“Askush nga Serbia nuk do të jetë në Tiranë më 6 dhjetor”, tha Vuçiç. “Ata kanë zgjedhur llumrat më të këqij serb, njerëz që nuk kanë respektin e askujt në Kosovë, por që gëzojnë besimin e llumit terrorist Albin Kurti dhe të agjentëve perëndimorë që i emëruan atje, duke menduar se në këtë mënyrë do ta shkatërronin dhe trembnin Serbinë”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Krenar për Shqipërinë, turi i diasporës ‘zbarkon’ në Milano
-
Rrugorja e Tiranës bën bilancin javor – 9 arrestime, mijëra gjoba dhe bllokime automjetesh
-
Hamasi thotë se ka marrë peng disa ushtarë izraelitë, IDF e mohon
-
Një vit nga fillimi i tensioneve më të mëdha në Veri, kryetarët e përshkruajnë si tejet të vështirë atë ditë