Porti i ri i Durrësit, është një model “copy-paste” me atë të inceneratorëve.
Kështu mendon ish-kryeministri shqiptar, Sali Berisha, pas fjalës së tij në foltoren e Parlamentit, rreth debatit dhe diskutimeve për marrëveshjen e Portit të ri.
Sipas Berishës, pavarësisht se dy çështjet në përmbajtje janë “diametralisht të kundërta”, në praktikë, ato janë të njëjta si dy pika uji.
“Djegësit me Marina-Bay janë dy gjëra diametralisht të kundërta por në praktikë janë si një pikë uji e ndarë në dysh. Njësoj si me djegësit, bëhet një procedurë super e përshpejtuar”, shtoi më tej kreu i Partisë Demokratike gjatë fjalës së tij.
Ai vijoi duke hedhur akuza të forta mbi kryeministrin, Edi Rama, duke pretenduar se ky i fundit është përfitues i drejtpërdrejtë në projekt.
“Të dyja zhvillohen pa garë, të dyja zhvillohen me sipërmarrës të paracaktuar, të dyja zhvillohen me financime nga offshore. Janë maska që vë për të fshehur vjedhjen e tmerrshme që bën”.
Teksa, në mbyllje, Berisha e përmblodhi fjalën, duke thënë se ajo çfarë po ndodh, është një akt armiqësor, sepse zhduk në mënyrë tërësore portin më të leverdishëm në Shqipëri.
Kështu, duke rritur çmimin e mallrave për shkak të transportit, sepse, sipas kryeopozitarit, veprimet do të duhet të kryhen tashmë përmes portit të Selanikut dhe atij të Tivarit.
Megjithatë, sipas kryeministrit Rama, ky i Portit të Durrësit, është projekti më i madh në Shqipëri dhe është një projekt historik, duke u kthyer në portën kryesore hyrëse në vend.
Projekti për Portin e Durrësit, Rama: Historik, do të jetë porta kryesore e Shqipërisë
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Përurohet shtatorja më e madhe e Skënderbeut në tokën italiane, nga arbëreshët e San Basile-s
-
Shqipëria e dyta në botë për azilantët nën 18 vjeç në raport me popullatën, tregon Eurostat
-
Balla thotë se është koha të krijohet shërbimi vullnetar zjarrfikës
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Niger, pa një strategji të vërtetë Biden po humbet Afrikën
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës