Policia e Shtetit ka bërë me dije mëngjesin e 22 shkurtit se është arrestuar në flagrancë shtetasi me iniciale F.H për kalim të paligjshëm të kufirit, kundrejt fitimit. Po ashtu është shpallur në kërkim edhe bashkëpunëtori i tij.
Shtetasi F.H është kapur nga shërbimet e Policisë, duke transportuar me një mjet të marrë me qira dy emigrantë të paligjshëm, të cilëve kundrejt shpërblimit iu kishte premtuar kalimin drejt vendeve të BE-së.
“Në vijim të goditjeve të njëpasnjëshme të veprimtarisë kriminale në fushën e kontrabandimit të emigrantëve nga vendet e treta drejt vendeve të BE-së, specialistët e Seksionit për Trafiqet, bazuar në informacionet e marra se një 25-vjeçar transportonte me mjet, emigrantë të paligjshëm nga Tirana, me qëllim transportimin e tyre drejt qytetit të Kukësit, me destinacion final vendet e Bashkimit Europian, goditën një tjetër rast. Ato kanë vënë në pranga shtetasin F. H, 25 vjeç, banues në Korçë dhe kanë shpallur në kërkim shtetasin A.B, 19 vjeç. Ky i fundit dyshohet si bashkëpunëtor i shtetasit F.H në këtë veprimtari kriminale”.
Materialet procedurale do t’i kalojnë Prokurorisë pranë Gjykatës së Shkallës së Parë Tiranë, për veprën penale “Ndihma për kalim të paligjshëm të kufirit”.
Më 21 shkurt policia njoftoi edhe një rast tjetër të transportit të paligjshëm të emigrantëve, në kuadër të të cilit u arrestua 29-vjeçari nga Korça, me iniciale E.V. Ky i fundit u kap duke transportuar tre emigrantë të paligjshëm drejt Tiranës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Përurohet shtatorja më e madhe e Skënderbeut në tokën italiane, nga arbëreshët e San Basile-s
-
Shqipëria e dyta në botë për azilantët nën 18 vjeç në raport me popullatën, tregon Eurostat
-
Balla thotë se është koha të krijohet shërbimi vullnetar zjarrfikës
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Niger, pa një strategji të vërtetë Biden po humbet Afrikën
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës