Organizata e Kombeve të Bashkuara apeloi të mërkurën për 100 milionë dollarë ndihmë financiare. Ky fond synon të mbështesë refugjatët që largohen nga përshkallëzimi i konflikteve në Afrikë duke emigruar në Evropë.
Sipas OKB-së, njerëz të shumtë po përpiqen të kalojnë në mënyra të rrezikshme përmes detit Mesdhe drejt Evropës. Këto tentativa kanë shkaktuar të paktën 1 mijë e 64 të vdekur në kanalin qendror dhe perëndimor të Mesdheut.
Përparësia thelbësore për OKB-në është ofrimi i alternativave të sigurta për udhëtimet e rrezikshme.
Dhuna në rajonin e Sahelit ka detyruar rreth 2.9 milionë njerëz të largohen nga shtëpitë e tyre. Rajoni shtrihet nga Senegali përmes Mauritani-së, Mali-t, Burkina Faso-s, Niger-it, Nigeri-së, Çad-it dhe Sudan-it.
Pa asnjë perspektivë për paqe dhe stabilitet në rajon, zhvendosja e popullsisë është e parashikueshme.
Përmes një raporti, Komisioneri i Lartë i OKB-së për Refugjatët (UNHCR) vuri në dukje faktorët nxitës për zhvendosjen e popullsisë në rajonin e Sahel-it.
Faktorët lidhen me kushtet e këqija në vendet fqinje, ku shumë prej emigrantëve kanë kërkuar strehim si dhe me ndikimin ekonomik të pandemisë.
Kalimi i detit nuk është pjesa e vetme e rrezikshme e udhëtimit për shumë prej refugjatëve.
Shumë bien pre e trafikantëve dhe kontrabandistëve duke vuajtur abuzime, përdhunime dhe ndonjëherë vrasje.
UNHCR-ja ka njoftuar se fondi që po kërkohet është pjesë e një strategjie të re që synon rritjen e informimit, identifikimit dhe ndihmës për refugjatët.
UNHCR-ja synon të rrisë aksesin në arsim dhe jetesën normale në vendet e azilit nga ana e refugjatëve./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Miliarderët e botës duhet të paguajnë minimalisht 2% taksë mbi pasurinë, thonë ministrat e G20
-
BQK: Vlera e kredive të reja për muajin mars arriti gati 300 milionë euro
-
FMN e BB vlerësojnë qëndrueshmërinë e Shqipërisë: Mbështetje dhe financim për reformat
-
Moody’s me vlerësim ‘pozitiv’ për Shqipërinë, ulet borxhi dhe rritet ekonomia
Lajmet kryesore
-
Meta “harron” Dumanin – akuza dhe paralajmërime për kundërshtarët
-
Hetimet mbi Kadastrën, SPAK zbardh akuzat për 4 të arrestuarit
-
Putini nuk e ka urdhëruar vdekjen e Navalnyt në shkurt, besojnë agjencitë amerikane
-
Kodi Civil si kundërpeshë e Asociacionit? – Premtimi i Kurtit për ta amortizuar presionin ndërkombëtar