Agjencitë e inteligjencës amerikane besojnë se presidenti rus, Vladimir Putin, “me gjasë” nuk ka urdhëruar që lideri i opozitës Alexei Navalny të vritej në një burg në Arktik në shkurt.
Kështu raportoi “Wall Street Journal” të shtunën.
Navalny, figura kryesore në opozitën e Rusisë, vdiq më 16 shkurt në një koloni penale.
BE-ja dhe SHBA-të fajësuan drejtpërdrejt Rusinë për vdekjen e Navalny-t, duke vendosur sanksione të reja ndaj Kremlinit.
Por WSJ tha të shtunën se disa agjenci amerikane – përfshirë Agjencinë Qendrore të Inteligjencës, Zyrën e Drejtorit të Inteligjencës Kombëtare dhe njësinë e Inteligjencës së Departamentit të Shtetit – pajtohen se Putini ndoshta nuk ka urdhëruar vdekjen e Navalny “në atë moment”.
Sipas raportit të WSJ-së, agjencitë e inteligjencës amerikane kanë ndarë vlerësimin me disa agjenci evropiane të inteligjencës.
Por disa zyrtarë evropianë të sigurisë “mbeten skeptikë” se Putini nuk luajti një dorë të drejtpërdrejtë në vdekjen e Navalny, duke marrë parasysh kontrollin e tij të ngushtë në Rusi.
Vlerësimi i SHBA-ve “bazohet në një sërë informacionesh, duke përfshirë informacione të klasifikuara, dhe një analizë të fakteve publike.
Aleati i Navalny-t, Leonid Volkov i tha WSJ-së se “ideja që Putini të mos jetë i informuar dhe të mos miratojë vrasjen e Navalny është qesharake”.
Zyra e Drejtorit të Inteligjencës Kombëtare, e cila mbikëqyr agjencitë e inteligjencës amerikane, nuk pranoi të komentonte mbi këtë çështje, sipas raportit të WSJ.
Putin ka mohuar çdo përfshirje në vdekjen e Navalny-t.
Muajin e kaluar, presidenti rus tha se ai kishte rënë dakord të shkëmbente liderin e opozitës në një shkëmbim të burgosurish disa ditë përpara se Navalny të vdiste.
Kjo duke konfirmuar pretendimet e bëra nga një aleat i ngushtë i Navalny-t se Rusia dhe zyrtarët perëndimorë kishin negociuar një marrëveshje shkëmbimi të të burgosurve.
Të shtunën, zëdhënësi i Kremlinit Dmitry Peskov tha se kishte parë raportin e WSJ.
“Nuk do të thosha se është një material me cilësi të lartë që meriton ndonjë vëmendje”, citohet të ketë thënë Peskov nga mediat ruse.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ka vdekur Steve Albini, producenti legjendar i Nirvana
-
Numërohen afër 95% e votave: “Fronti Evropian” ka 18 deputetë, “VLEN” 13
-
O’Brien, Escobar e Lajçak “diskutim të rëndësishëm” mbi strategjinë për të çuar përpara Kosovën e Serbinë në dialog
-
Shtetet e Bashkuara pezullojnë dërgimin e bombave në Izrael
Lajmet kryesore
-
Numërohen afër 95% e votave: “Fronti Evropian” ka 18 deputetë, “VLEN” 13
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Ahmeti: Jemi fitues me mbi 30 mijë vota, qytetarët janë për anëtarësim në BE
-
O’Brien, Escobar e Lajçak “diskutim të rëndësishëm” mbi strategjinë për të çuar përpara Kosovën e Serbinë në dialog