O’Brien, Escobar e Lajçak “diskutim të rëndësishëm” mbi strategjinë për të çuar përpara Kosovën e Serbinë në dialog

Ndihmës-sekretari i Shteteve të Bashkuara të Amerikës për Evropë dhe Euroazi, James O’Brien, të mërkurën, ka njoftuar se ka takuar të deleguarin e Bashkimit Evropian për dialogun, Miroslav Lajçak.

O’Brien i shoqëruar me emisarin e SHBA-ve për Ballkanin Perëndimor, Gabriel Escobar, nëpërmjet një postimi në platformën sociale, X, ka potencuar se me diplomatin sllovak ka pasur një bisedë të rëndësishme mbi strategjinë për të çuar përpara Kosovën dhe Serbinë në procesin e dialogut.

“SHBA-ja mbështet fuqishëm dialogun si rrugë drejt marrëdhënieve paqësore dhe produktive”, ka shkruar O’Brien.

Important discussions with Deputy Assistant Secretary Gabriel Escobar and EUSR @MiroslavLajcak today. We coordinated strategies for moving Kosovo and Serbia forward in the EU-facilitated Dialogue. U.S. strongly supports the Dialogue as the path to peaceful, productive relations. pic.twitter.com/yWr6VrLjVs

— Assistant Secretary Jim O'Brien (@StateEUR) May 8, 2024

Për takimin në fjalë është deklaruar edhe vetë Lajçak, i cili ka potencuar se në takim është rikonfirmuar bashkëpunimi i shkëlqyer në mes të BE-së dhe SHBA-ve.

“Kënaqësi ta takoj O’Brien e Escobar në Uashington për të diskutuar rrugën përpara në dialog dhe çështje të tjera rajonale në Ballkanin Perëndimor”, ka shkruar ai në platformën sociale, X.

A pleasure to meet with @StateEUR Jim O’Brien and Deputy Assistant Secretary Escobar in Washington today to discuss the way ahead in the Dialogue and other regional issues in the Western Balkans. We reconfirmed our excellent 🇪🇺🇺🇸 cooperation. https://t.co/LIYfkYVkjn

— Miroslav Lajčák (@MiroslavLajcak) May 8, 2024

Ndryshe Escobar në konferencën e tij të fundit për media si emisar amerikan për Ballkanin Perëndimor potencoi se formimi i Asociacionit të Komunave me Shumicë Serbe dhe Këshilli i Evropës janë dy procese të lidhura me njëra tjetrën.

Escobar ndër të tjera potencoi se është vështirë të kuptohet pse Kosova nuk i përmbush obligimet e saj ligjore.

Escobar: Asociacioni dhe Këshilli i Evropës janë të ndërlidhura, s’e kuptojmë pse Kosova s’e përmbush obligimin

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.