Kombëtarja e Kosovës për femra ka mposhtur Maltën me rezultat 70:60 për të fituar medaljen e bronztë në Kampionatin Evropian për Shtete të Vogla.
Ky ishte debutimi i kombëtares Kosovare për femra në garat ndërkombëtare, dhe ato e përfunduan turneun me medalje të bronztë.
Ndeshja ishte e baraspeshuar, ku pjesa e parë përfundoi me rezultat shumë të ngushtë, 37:39 në favor të Maltës.
Në çerekun e tretë, Malta mori një epërsi prej 10 pikësh, por kjo nuk i ndali vajzat dardane pasi ngushtuan rezultatin në fund të periodës së tretë.
Çereku i katërt ishte kryesori për skuadrën e Kosovës, pasi ata morën një epërsi prej 10 pikësh, ashtu si përfundoi edhe ndeshja.
Te Kosova u dalluan Era Shatri me 17 pikë e 15 kërcime, Saranda Daci me 14 pikë e 13 kërcime dhe Alexis Tolefree me 16 pikë.
Turneu i parë i kombëtares së Kosovës për femra, përfundoi mirë, pasi ato arritën medaljen e bronztë dhe do synojnë edhe më shumë në vitet në vijim.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Përurohet shtatorja më e madhe e Skënderbeut në tokën italiane, nga arbëreshët e San Basile-s
-
Lobimi serb në OKB kundër rezolutës për Gjenocidin e Srebrenicës, si po e ndihmojnë rusët dhe kinezët?
-
Pa një plan diplomatik për Gazën e pasluftës, Jordania ka frikë se do të detyrohet të njohë Hamasin
-
Raportet ndërkombëtare që shkërmoqën propagandën qeveritare