6 mijë shqiptarë nuk mundën të votojnë në zgjedhjet e Serbisë – Presidentja Osmani i drejtohet komunitetit ndërkombëtar

Rreth 6 mijë shqiptarëve në Serbi u është mohuar e drejta e votës në zgjedhjet e përgjithshme serbe, përçka edhe Presidentja e Republikës së Kosovës, Vjosa Osmani, i bëri thirrje komunitetit ndërkombëtar të dënojë këtë akt të shtetit autoritar të Serbisë.

Presidentja Osmani tha se një veprim i tillë i Serbisë është rezultat i fushatës së qëllimshme të Serbisë për spastrim etnik të shqiptarëve përmes metodave të tyre të vazhdueshme administrative.

“Sipas raportimeve, 6.000 shqiptarëve në Serbi iu mohua e drejta e tyre themelore për të votuar për shkak të fushatës së qëllimshme pasivizuese të Serbisë për spastrim etnik përmes mjeteve administrative. Komuniteti ndërkombëtar duhet të dënojë fytyrën e vërtetë të autoritarizmit të Serbisë”, shkroi presidentja në Twitter.

“Komuniteti ndërkombëtar duhet të dënojë fytyrën e vërtetë të autoritarizmit të Serbisë”, tha Vjosa Osmani.

According to reports, 6,000 Albanians in Serbia were denied their fundamental right to vote because of Serbia’s deliberate passivization campaign to ethnically cleanse through administrative means.

The intl’ community must condemn the true face of Serbia’s authoritarianism.

— Vjosa Osmani (@VjosaOsmaniPRKS) April 3, 2022

Edhe Raportuesja për Kosovën në Parlamentin Evropian, Viola von Cramon, ka reaguar në Twitter të Teuta Fazliut e cila bëri të ditur se emri i saj është fshirë nga lista e votimeve në Bujanoc në zgjedhjet e përgjithshme të Serbisë.

Cramon i kërkoi këshilltares për Punë të Jashtme në PE, Gesa Storz, që të sigurohet që këto raste të jenë mjaftueshëm të dokumentuara në raportin paraprak të Misionit Vëzhgues dhe në dekalaratën e Parlamentit Evropian.

“Sot nuk munda të votoj, sepse vendi im më fshiu nga lista e votuesve sepse jam shqiptare. Bujanoci është qyteti im, aty kam lindur e jam rritur”, shkroi Fazliu.

“Gresa Storz, ju lus që të siguroheni që këto raste të jenë mjaftueshëm të evidentuara në raportin preliminar të Misionit Vëzhgues dhe në deklaratën e Parlamentit Evropian!”, shkroi Viola von Cramon.

@gesa_vom_lech please make sure that these cases will be sufficiently covered in the EOM preliminary report but especially in the EP Statement!

— Viola von Cramon 🇺🇦🇪🇺 (@ViolavonCramon) April 3, 2022

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.