Një aksion i Policisë greke ka çuar në goditjen e një rrjeti të tërë të organizuar kriminal, ku për pasojë 30 vetë janë dërguar prapa hekurave, mes të cilëve 20 shqiptarë.
Pjesa tjetër e grupit përbëhej nga tetë pakistanezë, një rumun dhe një shtetas nga Bangladeshi.
Veprimtaria e tyre kryesore zhvillohej nëpërmjet vjedhjeve të pasagjerëve të transportit publik.
Po ashtu, nëntë persona të tjerë janë identifikuar si pjesë e rrjetit dhe janë shpallur në kërkim.
Akuza paraprake, është ajo e krijimit të një organizate kriminale me raste të shumta vjedhjeje dhe shkelje e ligjit për parandalimin e pastrimit të parave.
Gjeneza shkon në tetor 2021, kur ky grup mendohet se është formuar. Çdo anëtar sakaq, ka pasur rolin e veçantë në përbërjen e strukturës së grupit.
Dy nëngrupe kryesore funksiononin për vjedhjen e përditshme të pasagjerëve të transportit publik.
Orët e fluksit të udhëtarëve ishin ato kur veprohej më së shumti.
Përfitimi financiar i vetëm disa muajve organizim, përllogaritej në mbi 50 mijë euro.
Kontrolle janë kryer edhe në banesat e anëtarëve të grupit.
Gjatë punës hetimore, janë gjetur dhe sekuestruar 10 laptopë, 83 celularë, 11 ora, pesë kuleta, tre çanta, disa bizhuteri, pesë makina private, dy motoçikleta, rreth 3 mijë euro dhe një sasi lënde narkotike kanabis sativa e përpunuar.
Pjesa më e madhe e të përfshirëve, kanë qenë të arrestuar edhe më parë për vepra të ngjashme.
Fjalën e ka tashmë Prokuroria e Athinës fillimisht për akuzën e më pas Gjykata.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Thaçi: Ëndrra ime është që të gjithë shqiptarët të jetojnë në një shtet
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Aksioni i Frontex në Ballkan jep efekt, bien drastikisht kalimet e jashtëligjshme
-
Peleshi viziton qendrën e Inovacionit të Kërkimit dhe Mbrojtjes në Hungari
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE