Instituti Kombëtar i Shëndetit Publik (IKShPK), në Kosovë ka raportuar 19 persona të infektuar nga COVID-19.
Numri i të infektuarve vjen nga 2 mijë e 672 mostra të marra nga Shërbimi Spitalor dhe Klinik Universitar i Kosovës.
Sipas IKShPK-së, gjatë 24 orëve të fundit janë shëruar gjithsejtë tetë persona.
Numri total i rasteve pozitive me COVID-19, është 137 ndërsa deri më tani kanë humbur jetën mbi dy mijë persona.
Prej 13 marsit 2020, kur janë regjistruar rastet e para të infektimit, autoritetet shëndetësore në Kosovë kanë regjistruar 107 mijë e 992 pacientë me këtë virus.
Në Kosovë tashmë ka nisur programi i vaksinimit masiv kundër Coronavirusit.
Prej fillimit të vaksinimit në të gjitha qytetet e Kosovës janë dhënë 356 mijë e 771 doza të vaksinës.
Deri të shtunën 107 mijë e 551 qytetarë janë vaksinuar me dozën e dytë.
Instituti Kombëtar i Shëndetit Publik u ka bërë thirrje qytetarëve që të vaksinohen.
“Mos lejoni mbylljen e të gjithëve për pakujdesin e disa”, thuhet në thirrjen e IKSHPK-së.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
‘Ditët e Bujqësisë’: Bashkëpunim rajonal me fokus fuqizimin e bujqësisë dhe zhvillimin rural
-
BE-ja tërheq këmbëzën ndaj Kinës
-
Peleshi në Ministerialin e CEDC-Ballkani Perëndimor: Shqipëria, promovuse e bashkëpunimit rajonal dhe fqinjësisë së mirë
-
Shpërndante kokainë me doza në Shëngjin, arrestohet 26-vjeçari