Danimarka ka dhuruar 1 milion doza vaksinash kundër COVID-19, për katër vende të Ballkanit Perëndimor, përfshirë Shqipërinë dhe Kosovën. Dy vendet e tjera përftuese janë Bosnja dhe Horcegovina dhe Maqedonia e Veriut.
Lajmi është bërë i ditur nga ministri danez i Punëve të Jashtme, Jeppe Kofod.
“Fqinjët tanë në Ballkan po hasin vështirësi në furnizimin me vaksina”, ka shkruar Kofod në Twitter. “Kjo, shton riskun e përhapjes së madhe të virusit”.
🇩🇰🇦🇱🇧🇦🇽🇰🇲🇰💉
Vores naboer på Balkan oplever en stor vaccinemangel, som både belaster de enkelte samfund og øger risikoen for nye udbrud, der kan sprede sig.Glad for, at vi kan træde til og bistå vores nære samarbejdspartnere med vacciner.https://t.co/J2kxBCs7fB #dkpol #eudk
— Jeppe Kofod (@JeppeKofod) July 1, 2021
Kofod ka theksuar gjithashtu se është i lumtur që mund të asistojë partnerët e afërt me vaksina.
Nuk bëhet me dije periudha e shpërndarjes apo sa përfton çdo vend deri më tani. E sigurt, është që, Danimarka, ka dhuruar 1 milion vaksina edhe për vendet e Afrikës Veriore, në bashkëpunim me mekanizmin Covax.
Vaksinat do të jenë nga furnitori britanik i Oxford-it, AstraZeneca.
Danimarka e ka hequr nga programi i vaksinimit këtë vaksinë, edhe pse është e mundur ende të merret nëse dëshirohet.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Bashkëpunimi Shqipëri-Britani në drejtësi po njeh zhvillime pozitive, thotë Manja pas takimit me King-Smith
-
Pas kalimit të rezolutës antikorrupsion, PS voton të enjten edhe Komisionin e Posaçëm
-
Meloni mbron sërish Ramën: Është sulmuar padrejtësisht, projekti në Shqipëri po përparon
-
Begaj pret drejtoren e Korpusit të Paqes, vlerësohet angazhimi vullnetar amerikan në Shqipëri