Tashmë është bërë zyrtarë rikthimi i sulmuesit anglez, Michael Ngo te klubi i Tiranës. Shtatlarti ka qenë titullar i padiskutueshëm te klubi bardheblu në sezonin 2019/20, duke dhënë një kontribut të madh në rrugën drejtë titullit kampion.
Ngo e ka zhvilluar pjesën më të madhe të karrierës së tij në ligat e ulëta të Anglisë, ndërsa në vitin 2017 u transferua te Tirana, ku luajti deri në vitin 2020.
28-vjeçari është aktivizuar në 67 ndeshje me Tiranën, ku shënoi 25 gola dhe dhuroi 24 asiste.
Tirana njoftoi zyrtarizimin e Ngo-s në median sociale ku shkruan:
“Lojtari Michael Ngoo rikthehet në Shqipëri për t’ju bashkuar skuadrës bardheblu. Një nga sulmuesit më të dashur për tifozët dhe jo vetëm, do të jetë serish pjesë e kampionatit shqiptar”.
“Shtatlarti ishte titullar i padiskutuar në sezonin 2019/2020 dhe me kontributin e tij të madh në skuadër i dhuroi klubit titullin kampion”.
“Ngoo vjen sërish me synime të qarta dhe objektivin kryesor, fitimin e një titulli tjetër. Ai do t’i bashkohet skuadrës në Pogradec për të vijuar fazën përgatitore”, përfundon statusi i klubit në Facebook.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Të ‘mbarojmë punë me Rai-n’, pastaj radha për interpelancë me Bardhin, thotë Rama
-
Tensione sërish te Bashkia Tiranë, protestohet me molotov
-
Amerika autorizon Ukrainën të godasë Krimenë me raketa me rreze të gjatë
-
Rashiç beson se Qeveria do ta dërgojë draft-statutin e Asociacionit në Kushtetuese para anëtarësimit në KiE
