Çdo tifoz i varur nga frutat duhet të gëlltisë ushqimet e tyre të shëndetshme përpara se të hyjë në stadiume në Euro 2024, sepse ato janë zyrtarisht të ndaluara.
Një mollë ose banane është një ushqim në dukje i padëmshëm që disa mund të tundohen ta marrin në stadiume, por një kontrabandë e tillë vjen me rrezik të lartë.
Kjo për shkak se tifozët që e bëjnë këtë mund të përjashtohen dhe të ndalohen të marrin pjesë në ndonjë ndeshje të mëvonshme në turne.
Lista e ndalimeve të UEFA-s për turneun në fakt i ndalon tifozët të sjellin ndonjë ushqim ose lëng në stadium, por ata theksojnë një pikë të veçantë, duke shkruar: “përfshirë frutat, si mollët, bananet, portokallet, etj”.
Nëse dikujt i duhen për arsye mjekësore, kjo është në rregull, por autoritetet e stadiumit duhet të njoftohen paraprakisht.
Gazeta angleze “The Sun”, raporton se ndalimi i ushqimit është vendosur për të rritur shitjet e sallameve në Gjermani gjatë turneut, i cili zgjat nga 14 qershori deri më 14 korrik.
Një sallam standard në stadium do të kushtojë deri në 4-5 euro. Ndërsa, në finalen e turneut ai do të jetë pak më i shtrenjtë duke shkuar deri në 6-7 euro.
Përveç ushqimit dhe pijeve, ekzistojnë të gjitha ndalesat standarde për artikujt për stadiumet: mos merrni me vete armë, mjete piroteknike, drone, shkallë, lazer ose propagandë politike. Pa flamuj nazist, pa flamuj që mbështesin palët në luftën Izrael-Hamas, pa drogë, pa stol dhe pa valixhe.
Dënimet përfshijnë “përjashtim nga stadiumi me denoncim në polici ose ndalim për të gjithë ose një pjesë të Euro 2024”.
Në mënyrë zhgënjyese, ka gjithashtu një bllok për vuvuzelat, kështu që mos prisni që turneu të ngjall shumë kujtime të Kupës së Botës të Afrikës së Jugut 2010.
Shqipëria do të luajë ndeshjen e pare në Euro 2024 ndaj Italisë më 15 qershor në stadiumin e “Signal Iduna Park” të Borussia Dortmund-it, ndërsa më 19 qershor do të përballet me Kroacinë në stadiumin “Volksparkstadion Hamburg”. Ndeshja e fundit e grupit do të jetë ajo ndaj Spanjës, që do të luhet më 24 qershor në stadiumin “Düsseldorf Arena”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
