Shpresat e Shqipërisë, ato U19, sot fillojnë rrugëtimin në kuadër të fazës së parë kualifikuese për Evropianin e vitit 2022 që do mbahet në Sllovaki.
Ata e fillojnë me një ndeshje shumë të vështirë, përballë Francës në Paris.
Kuqezinjtë e drejtuar nga Armando Cungu, janë pjesë e grupit F, ku përveç Francës, bëjnë pjesë edhe Serbia dhe Maqedonia e Veriut.
Duke parë grupin, Shqipëria ëndërron që të kalojë në raundin e dytë, të paktën nga vendi i dytë.
Cungu ka thënë që “rrugëtimi pa dyshim është i vështirë, por jo i pamundur”.
Ndeshja vjen me fillim në orën 14:00.
Shqipëria gjatë muajit nëntor zhvillon edhe dy ndeshjet tjera të grupit.
Më 13 tetor, kuqezinjtë udhëtojnë në Serbi, kurse më 16 tetor e presin Maqedoninë e Veriut në Shqipëri.
Me moshat U19, të lejuar për t’u ftuar janë vetëm futbollistët që kanë lindur nga 1 janari 2003 dhe tutje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
