Platforma Twitter ka njoftuar se po prezanton masa të reja kundër llogarive të qeverisë ruse për të reduktuar ndikimin e propagandës zyrtare.
Më konkretisht, llogaritë zyrtare nuk do t’u rekomandohen më përdoruesve të Twitter-it në të gjitha kategoritë e aplikacionit, përfshirë kërkimet.
Më herët, kompania ka bllokuar llogaritë e mediave shtetërore ruse, RT dhe Sputnik, në Bashkimin Evropian.
Nga ana tjetër, Moska u kundërpërgjigj duke kufizuar hyrjen në Twitter në vend dhe duke bllokuar dy platforma të tjera si Facebook-u dhe Instagram-i.
“Nuk do të përforcojmë ose rekomandojmë llogari qeveritare që u përkasin shteteve që kufizojnë aksesin në informacion falas dhe janë të përfshirë në konflikte të armatosura ndërshtetërore”, ka deklaruar Twitter-i.
Po ashtu ka shtuar se kjo masë ndërmerret pavarësisht nëse platforma është e bllokuar në atë vend ose jo.
Dhe se kur një qeveri kufizon aksesin në shërbimet online brenda shtetit, duke nënvlerësuar aftësinë e publikut për të aksesuar lirisht informacionin dhe vazhdon të përdorë shërbimet online për komunikimet e veta, “krijon një çekuilibër të rëndë informacioni”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Publikohet dokumenti i armëpushimit që Hamasi e pranoi, por Izraeli e refuzoi – 3 faza në 3 muaj
-
Lajçak pret përgjigje konstruktive nga Kosova e Serbia mbi kompromisin e propozuar për dinarin