Shqipëria ka fituar tri pikë të arta përballë San Marino-s, në kualifikimet e Kupës së Botës “Katar 2022”.
Kuqezinjtë shkatërruan San Marino-n me rezultat 5:0, duke u renditur të dytët në Grupin I.
Shqipëria kaloi Poloninë, e cila para kësaj ndeshjeje ishte në vendin e dytë, me 10 pikë.
Kuqezinjtë dominuan ndeshjen, duke shënuar golin e parë në minutën e 32-të me anë të Rey Manaj.
Shqipëria kishte 27 mundësi për të shënuar gjatë ndeshjes, ndërsa San Marino nuk kishte asnjë.
Në pjesën e dytë, Shqipëria arriti të shënonte tre gola të shpejtë brenda 10 minutave, me Qazim Laci-n, Armando Broja-n dhe Elseid Hysaj.
Për t’i dhënë fund kësaj natë të paharrueshme për shqiptarët, u përkujdes lojtari i Ferencvaros, Myrto Uzuni, duke shënuar golin e pestë në minutën e 80-të.
Momentalisht Shqipëria radhitet në vendin e dytë me 12 pikë, ndërsa Polonia në të tretin me një më pak.
Dueli i radhës për Shqipërinë do të jetë përballë Hungarisë, dhe pas tyre do kenë ndeshje direkte me Poloninë në “Elbasan Arena” për të vulosur kualifikimin në “Katar 2022”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”