Tre vite pas transferimit te Real Madrid-i, Eden Hazard këtë fundjavë do të luaj për herë të parë me fanellën e Real-it kundër Barcelonës.
Duket e pabesueshme, por është e vërtetë.
Në një mënyrë apo tjetrën, Eden Hazard gjithmonë e gjeti rrugën për të mos qenë prezent në duelin më të famshëm në futboll, El Clasico.
Edhe pse përballë Barcelonës Hazard ka luajtur, këtë nuk e ka bërë me fanellën e Real-it.
Belgu u paraqit dy herë kundër blaugranasve në sezonin 2016/17, në raundin çerekfinal veshur me ngjyrat e Chelsea-s.
Sipas raportimeve nga tabloidet spanjolle, Hazard ka kryer stërvitje të plotë me skuadrën, dhe do të jetë i ftuar për të dielën.
Hazard me shumë mundësi do ta nisë ndeshjen nga stoli dhe pastaj të aktivizohet si zëvendësues.
Belgu shpreson që tashmë ka ardhur fundi i lëndimeve të tij dhe se më në fund do ta arsyetojë çmimin 100 milionë euro të cilin Real-i e pagoi për të.
El Clasico për Hazard-in, mund të jetë mundësia e artë për të nisur rikthimin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com