![](https://albanianpost.com/wp-content/uploads/2024/06/Untitled-87.png)
Tetë ushtarë u vranë në shpërthimin e një automjeti të blinduar pranë qytetit të Rafah, në jug të Gazës.
Kështu njoftuan të shtunën Forcat e Mbrojtjes izraelite, siç raporton Haaretz.
Kapiteni Wassem Mahmoud, 23 vjeç, nga fshati Beit Jann në Izraelin verior, ishte një nga ushtarët e vrarë.
Ushtria izraelite nuk e di ende nëse shpërthimi është shkaktuar nga një mjet shpërthyes i vendosur nga Hamasi apo nga eksplozivët që ushtarët mbanin për të hedhur mina në zonë.
Shpërthimi ndodhi herët në mëngjes të së shtunës, kur transportuesi i blinduar i personelit në të cilin ndodheshin ushtarët po udhëtonte në zonën e lagjes Tel al-Sultan në Rafah, ku disa automjete të tjera kishin kaluar tashmë paraprakisht.
Shpërthimi shkatërroi plotësisht automjetin dhe tetë ushtarët brenda tyre u vranë menjëherë.
Familjarët e Mahmud thanë se ai ka shërbyer në Rripin e Gazës që nga fillimi i operacionit tokësor.
Dora e tij u plagos nga copëzat në fillim të luftës, por Mahmoud refuzoi t’i nënshtrohej një operacioni, duke dashur të kthehej në luftime, shtoi familja e tij
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Sulmi rus me bombë në Kharkiv vrau të paktën 3 persona dhe plagosi 52
-
Zëvendëskancelari gjerman paralajmëron Kinën për pasojat e qëndrimit pro Rusisë
-
Farage përballet me reagime të ashpra, lidhur me komentet e luftës në Ukrainë
-
Clark të dielën në Kosovë, Abdixhiku ia ndan dekoratën “Dr. Ibrahim Rugova”