Trupat e 290 civilëve janë gjetur në qytetin Irpin, jashtë Kievit, që nga tërheqja e forcave ruse. Këtë e ka bërë të ditur të martën kryebashkiaku i Irpin, Oleksandr Markushin.
Në një deklaratë në Facebook, Markushin tha se 185 nga të vdekurit janë identifikuar, shumica e të cilëve ishin burra. Shkaku i vdekjes ishin “plagët me predha dhe armë zjarri”.
Sipas Markushin, të paktën pesë nga të vdekurit kishin pësuar lëndime në tru dhe uria. Pesë banorë u qëlluan për vdekje në oborrin e një pallati të lartë dhe në ambientet e një qendre zhvillimi për fëmijë.
Që prej mëngjesit të 24 shkurtit, bombardimet ruse në Ukrainë nuk janë ndalur.
Pavarësisht rezistencës ukrainase, mijëra njerëz kanë humbur jetën, mes tyre edhe fëmijë – sipas vlerësimeve të para nga OKB-ja, pasi zyrtarë ukrainas kanë deklaruar me dhjetëra mijëra të vrarë – dhe mbi 7 milionë janë larguar nga vendi.
Ndër masakrat më të mëdha përfshihet zbulimi i varreve masive në Bucha – rajon i Kievit – dhe në Mariupol.
Ndërsa forcat ruse kanë rrethuar uzinën e çelikut të Azovstal-it në Mariupol dhe kanë kapur Kherson-in.
Në Ukrainën Jugore, forcat ruse vijojnë bombardimet në drejtim të Odessa-s.
Nga ana tjetër, kundër çdo fakti real, Rusia vazhdimisht mohon se po pushton Ukrainën.
Presidenti rus Vladimir Putin ndërhyrjen në Ukrainë e konsideron si një “operacion special” për çlirimin e rajonit dhe denazifikimin e shtetit lindor.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Të ‘mbarojmë punë me Rai-n’, pastaj radha për interpelancë me Bardhin, thotë Rama
-
Tensione sërish te Bashkia Tiranë, protestohet me molotov
-
Amerika autorizon Ukrainën të godasë Krimenë me raketa me rreze të gjatë
-
Rashiç beson se Qeveria do ta dërgojë draft-statutin e Asociacionit në Kushtetuese para anëtarësimit në KiE