Sydney Sweeney thotë se është “tejet e emocionuar” për sezonin e tretë të “Euphoria-s”

Aktorja amerikane Sydney Sweeney i është përgjigjur disa pyetjeve në lidhje me sezonin e tretë të ardhshëm të serialit hit “Euphoria”.

Në një bisedë me Josh Horowitz në fillim të kësaj jave, aktorja 26-vjeçe e “Anyone But You”, diskutoi për serialin e famshëm.

Ata folën për “Immaculate”, projekt në të cilin ajo ka një rol si aktore por mban mbi supe edhe pozitën e producentes – dhe gjithashtu prekën shkurtimisht sezonin e tretë të ardhshëm të “Euphoria” – edhe pse ajo nuk mund të zbulonte shumë për të.

“Sinqerisht, është po aq e frikshme sa të flasësh për Marvel-in”, tha Sweeney me shaka.

“Unë thashë një gjë, dhe ajo shkoi kudo”, shtoi ajo.

Horowitz i tha asaj se fansat janë shumë të emocionuar për sezonin e ri, gjë që bëri që Sydney të vazhdonte me shaka për t’i ikur pyetjes, teksa tha se edhe ajo “ishte e emocionuar”.

Sweeney luan Cassie Howard në serialin e popullarizuar ku luajnë gjithashtu Zendaya, Hunter Schafer, Jacob Elordi dhe Maude Apatow.

“Unë e dua Cassie. Cassie është me të vërtetë një ëndërr për të luajtur dhe si aktore, jam kaq me fat që kam pasur një personazh si ajo në një moshë kaq të re”, vazhdoi ajo.

“Dhe, sigurisht, dua të vazhdoj ta jetoj jetën e saj të çmendur. Me pëlqen”, shtoi ajo.

“Euphoria” nisi xhirimet për sezonin e tretë në shkurt të vitit 2022, por nuk pritet të publikohet deri në vitin 2025.

Ndërkohë, filmi horror i Sidneyt “Immaculate” përfundoi i katërti në biletat e fundjavës me 5.3 milionë dollarë në 2 mijë 354 kinema.

Ndërsa karriera e saj është e nxehtë, zhanri horror është më pak i varur nga yjet e famshëm sesa zhanret e tjera.

Sweeney luan një murgeshë amerikane që bashkohet me një manastir të largët në fshatin italian dhe së shpejti zbulon se shtëpia e saj e re përmban disa sekrete të errëta.

Ajo mori të dy rolet e gjysheve të saj si ekstra në filmin e saj të ri dhe i çoi në premierën në Los Anxhelos.

“Kam fluturuar në Itali dhe ato duhet të më vizitojnë në xhirime. I kam bërë shtesa si murgesha”, tha ajo.

“Dhe më pas i solla në premierën në L.A. Ato ishin shumë të emocionuara”, shtoi ajo.

Sydney e përfundoi prononcimin e saj duke thënë se i pëlqen zhanri horror për arsye se është në gustot e saj të paraqitet në role sfiduese.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.