Shitjet e makinave në Kinë bien për muajin e tretë radhazi

Për shkak të përmbytjeve në disa zona të Kinës, shpërthimeve të COVID-19 në zona të tjera dhe mungesës globale të gjysmëpërçuesve, shitjet e automjeteve të Kinës kanë pësuar rënie në korrik për të tretin muaj rresht.

Agjencia e lajmeve, “Reuters”, tregon se tregu më i madh në botë i automjeteve u përball me shitje 11.9 për qind më të ulëta nga i njëjti muaj një vit më parë në 1.86 milionë automjete.

Sipas të dhënave nga Shoqata Kineze e Prodhuesve të Automjeteve (CAAM), për shtatë muajt e parë të vitit, shitjet e automjeteve në Kinë janë rritur me 19 për qind teksa tregu u rimëkëmb nga nivelet më të ulëta të pandemisë.

CAAM ka sqaruar se rikthimi është vendosur të zvogëlohet me shitjet për pjesën tjetër të vitit 2021 që pritet të jenë nën nivelet relativisht të larta të një viti më parë, megjithëse tregu ende pritet të regjistrojë rritje të përgjithshme në baza vjetore.

Një drejtues i lartë i autoritetit, Chen Shihua, ka paralajmëruar se mungesa globale e çipave, e cila ka bërë që prodhuesit e automjeteve të kufizojnë prodhimin, nuk ka gjasa të zgjidhet vetë sa më shpejt që pandemia të shpërthejnë në shumë pjesë të botës.

Lajmi i mirë i korrikut ishte vazhdimi i shitjeve të fuqishme të automjeteve të reja energjetike, të cilat u dyfishuan në 271 mijë. Këto përfshijnë automjete elektrike me bateri, hibride me benzinë e elektrike dhe automjete me qeliza karburanti hidrogjeni.

Dhe se promovimi i qeverisë për automjetet më të gjelbra për të zvogëluar ndotjen ka nxitur prodhuesit e makinave elektrike si Nio Inc, Xpeng Inc dhe BYD Co Ltd të zgjerojnë kapacitetin prodhues në Kinë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.