Shakira shkruan një porosi dedikuar Princeshës Charlotte

Këngëtarja, Shakira, është shprehur e lumtur publikisht, pas bërjes virale të lajmit se Princesha Charlotte është fanse e saj e flakët.

I’m so pleased you like my music Princess Charlotte! ❣️https://t.co/Ttx6K514iQ

— Shakira (@shakira) December 5, 2021

“Jam shumë e kënaqur që ju pëlqen muzika ime, Princesha Charlotte!”, ka shkruar Shakira, krahas një emoji zemre.

Reagimi erdhi pasi që Princi William kishte zbuluar se vajza e tij 6-vjeçe, Princesha Chalotte është “e çmendur” pas vallëzimit nën tingujt e këngëve të ikonës latine – Shakiras.

Duka i Cambridge kishte ndarë shijen muzikore të vajzës së tij, kur po shfaqej në një podcast të Apple, me titull – “Prince William: Time to Walk”.

Gjatë regjistrimit të tij, të bërë gjatë shëtitjes nëpër pasurinë e Mbretëreshës Sandringham, mbreti i ardhshëm mbuloi një gamë të gjerë temash nga efekti emocional i punës si pilot i ambulancës ajrore deri te qëndrimi jashtë “zonës së tij të rehatisë” duke kënduar në skenë me Taylor Swift dhe Jon Bon Jovi.

Ndërkaq, në një moment gjatë shëtitjes, William tha se kënga e Shakiras, ”Waka Waka”, është e pëlqyer e Charlotte dhe se ajo kërcen duket duke imituar lëvizjet e këngëtares kolumbiane – e po ashtu, vishet si balerinë për performancën.

“Një nga këngët që fëmijët po e duan për momentin është ‘Waka Waka’. Ka shumë lëvizje të ijeve së bashku me shumë veshje”, tha Duka.

Kujtojmë se “Waka Waka” ishte kënga zyrtare e Kupës së Botës në futboll – FIFA 2010.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.