Rusia ka arritur fitoren e parë në Kampionatin Evropian, “Euro 2020”, duke e mposhtur Finlandën me rezultat minimal 0:1.
Finlandezët arritën të shënojnë të parët, qysh në minutën e katërt, mirëpo goli u anulua nga sistemi VAR, për një pozicion të parregullt të sulmuesit Joel Pohjanpalo.
Rusia shtoi presionin dhe golin arriti ta gjejë në minutën e dytë shtesë të pjesës së parë, përmes sulmuesit të Atalanta-s, Aleksey Miranchuk, i cili shënoi një gol të bukur, pas disa kombinimeve të sakta nga ana e rusëve.
Në vazhdim të ndeshjes, Rusia luajti e mobilizuar në mbrojtje, duke i lënë pak hapësira kundërshtarit, me çka dhe fitoi në fund takimin.
Rusët në këtë përballje, kanë humbur futbollistin Mario Fernandes, i cili pësoi një lëndim, gjatë një dueli ajror, për çka u desh të ndërhynte menjëherë stafi mjekësor, duke e dërguar futbollistin në spital.
Tani Rusia gjendet në vendin e dytë të Grupit B, ku së bashku me Belgjikën dhe Finlandën kanë nga tri pikë, ndërsa Danimarka pozicionohet e fundit me asnjë pikë.
Ndeshja tjetër e këtij grupi, mes Danimarkës dhe Belgjikës, do të zhvillohet të enjten, në ora 18:00.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Prokuroria i kërkon Policisë arrestimin e xhudistit Akil Gjakova, dyshohet për dhunë në familje
-
Nokauti i frikshëm i Joshua-s, Helenius kishte nevojë për oksigjen
-
25 shkurt 1964 – kur bota njohu kampionin e ri Muhamed Ali
-
Tifozët grekë provokojnë, shfaqen me flamur të Serbisë, brohorasin “Kosova është Serbi”
Lajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel
