“Lidhja jonë po shkon shumë mirë. Nuk mund të themi që jemi super të dashuruar apo kemi një lidhje të ngushtë, por po njihemi”.
Kështu e nis rrëfimin pas daljes nga “Love Story”, Romina Hodaj, modelja që u bë pjesë e spektaklit të njohur për të gjetur dashurinë.
Bashkë me Jonny Pojanin, partnerin e saj, ata ishin të ftuar në emisionin e showbizz-it “Pikë”, një prodhim i “Albanian Post”.
“Ne nuk shtiremi. E kemi shumë qejf njëri-tjetrin dhe na pëlqen të kalojmë kohën bashkë. Secili ka angazhimet e tij, por gjejmë kohë për të qenë bashkë aq sa mundemi”, tregon më tej aktori, që hyri në “Love Story” si “frontist” dhe mes gjithë vajzave që prisnin të merrnin vëmendjen e tij, Jonny zgjodhi Rominën.
Në intervistën përballë Adela Osmanit, ata treguan kur patën shkëndijën e parë të dashurisë dhe, më pas, pranuan se “e pëlqyem njëri-tjetrin me shikim të parë”.
“Testin” e vërtetë të lidhjes, e patën në studion e “Pikë”, ku produksioni kishte përgatitur pyetje që t’ia drejtonin njëri-tjetrit.
Kështu publiku i njohu më mirë dhe ata vetë mësuan ca gjëra më tepër për personin përballë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama: Kallëzimi i pabërë i Bardhit iu shit si sapun për djathë italianëve
-
Protesta para Bashkisë Tiranë, policia thirrje që të mos kryhen akte dhune
-
Nëse BE-ja dëshiron të jetë një fuqi globale, ka nevojë për një ‘Big Bang’ dhe 36 anëtarë
-
Perez: BE-ja ta çojë përpara aplikimin e Kosovës dhe ta ndëshkojë Serbinë