Roli ndihmues i kanabisit në trajtimin e sëmundjeve të zorrëve

Joe Silverman, në moshën 21-vjeçare u prek nga sëmundja Crohn. Në fillim, simptomat ishin të lehta.

Me kalimin e kohës, shqetësimet filluan të rriteshin. Ai ndjente fryrje të barkut dhe dhimbje.

Ndryshimet në dietë nuk bënë ndonjë ndryshim, kështu që filloi të merrte ilaçe anti-inflamatore, të cilat shpesh përdoren për të trajtuar sëmundje të caktuara të zorrëve. Ato ia lehtësuan dhimbjet, por nuk e eliminuan shqetësimin e tij.

Në vitin 2018, ai vendosi të provonte diçka ndryshe, si një trajtim shtesë: marihuanë mjekësore në formën e kapsulave kanabidiol (CBD) dhe tetrahidrokanabinol (THC).

“Brenda një ore e gjysmë pasi i mora, u ndjeva më mirë”, ka treguar Silverman.

Për shekuj me radhë, marihuana, e cila rrjedh nga bima Cannabis sativa, është përdorur për qëllime mjekësore dhe rekreative.

Nga ana mjekësore, kanabinoidët – përbërësit aktivë në bimën e marihuanës – mund të ndihmojnë në zbutjen e dhimbjeve kronike, si dhe kancerin.

Administrata Amerikane e Ushqimit dhe Barnave (FDA) madje ka miratuar produkte të veçanta kanabinoid për të vjella të shkaktuara nga kimioterapia në pacientët me kancer dhe për të stimuluar oreksin te pacientët me AIDS, të cilët kanë humbur peshë.

Vitet e fundit ka pasur një interes në rritje për përdorimin e marihuanës mjekësore për çrregullimet gastrointestinale, të tilla si sëmundjet inflamatore të zorrëve (IBD) si Crohn dhe koliti ulcerativ (UC).

Në një studim të revistës “Inflammatory Bowes Diseases”, studiuesit anketuan 292 pacientë me IBD në një qendër të madhe mjekësore në Boston.

Ata vunë re sesa përdornin marihuanën dhe zbuluan se 12% ishin përdorues aktivë, ndërsa 39% ishin përdorues të hershëm.

Ndër përdoruesit aktualë dhe të mëparshëm që përdorën produkte të marihuanës për simptomat e tyre, shumica menduan se ishte “shumë e dobishme” në lehtësimin e dhimbjeve të barkut, të vjellat dhe diarre.

Kohët e fundit, një studim i vitit 2018 në Journal of Pediatrics zbuloi se midis 99 pacientëve adoleshentë dhe të rinj me IBD, gati një e treta kishin përdorur marihuanë dhe 57% e përdoruesve miratuan përdorimin e saj për të paktën një arsye mjekësore, më së shpeshti lehtësimin e dhimbjeve fizike.

Hulumtimi që heton efektet e marihuanës mjekësore në çrregullime të ndryshme gastrointestinale është i kufizuar, kështu që ka shumë pyetje pa përgjigje.

Tani për tani, një nga pengesat për këtë është klasifikimi i kanabisit si një drogë e Programit I (së bashku me heroinën, LSD dhe ekstazën) nga qeveria federale.

Ky realitet ka frenuar kërkimet në SHBA për të vlerësuar efektet e kanabisit në çrregullime të ndryshme gastrointestinale, si dhe gjendje të tjera mjekësore.

Dhe ndërsa mekanizmat e veprimit nuk janë kuptuar plotësisht, kjo është shumë e qartë: trupi i njeriut ka një sistem kanogjenoid endogjen – ai që buron brenda trupit – që përfshin receptorë kanabinoid, kanabinoid endogjen (lipide që përfshijnë receptorët kanabinoid) dhe enzima që janë të përfshirë në sintezën dhe degradimin e endokanabinoidëve.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.