Kompania Riot Games ka rënë dakord të paguajë 100 milionë dollarë për të zgjidhur një rast të diskriminimit gjinor të vitit 2018.
Departamenti i Punësimit dhe Strehimit të Drejtë të Kalifornisë (DFEH) ka thënë se marrëveshja “do të korrigjojë shkeljet kundër 1 mijë e 65 punonjëseve dhe 1 mijë e 300 punonjëseve me kontratë”.
Agjencia e lajmeve, “BBC”, tregon se DFEH-ja ka bërë me dije se u angazhua në çështjet e “diskriminimit dhe ngacmimit sistematik”.
Madje, ka pohuar se duhet “të marrë përgjegjësinë për të kaluarën”.
Ajo pritet të paguajë 80 milionë dollarë për anëtarët e padisë së grupit dhe rreth 20 milionë dollarë do të mbulojnë shpenzimet ligjore.
Sipas ankesës origjinale kundër kompanisë, Riot-i u përball me një sërë akuzash.
Këto përfshinin gratë që ishin objektivizuar seksualisht, me një zinxhir email-esh që vlerësonin “punonjëset më të nxehta” të kompanisë.
Gjithashtu kishte dhe akuza mbi imazhe të pakërkuara të organeve gjenitale mashkullore që u ishin treguar atyre nga shefat dhe kolegët.
Problemi i industrisë
Riot-i, si pjesë e marrëveshjes ra dakord për reformat në vendin e punës, analizën e ekspertëve të pavarur të praktikave të pagave, punësimit dhe promovimit.
Por edhe mbi monitorimin e rasteve të ngacmimeve seksuale dhe “hakmarrjes” në zyrat e veta në Kaliforni për tre vjet.
Kompania gjithashtu duhet të ndajë 18 milionë dollarë për të financuar programet e diversitetit, barazisë dhe përfshirjes dhe të krijojë 40 pozicione me kohë të plotë në role inxhinierike për ish-punonjëset me kontratë.
Kevin Kish, drejtori i DFEH-së, ka thënë se nëse pranohet nga gjykata, marrëveshja do të çonte në ndryshime të qëndrueshme në Riot Games.
Ndërkaq, “do të dërgonte mesazhin se të gjitha industritë në Kaliforni, përfshirë industrinë e lojërave, duhet të ofrojnë paga të barabarta dhe vende pune pa diskriminim dhe ngacmim”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE