Paul Pogba është ende i pavendosur për të ardhmen e tij.
Francezit i skadon kontrata me Manchester United në fund të këtij sezoni, por ai ende nuk është i sigurt se a dëshiron rinovimin aop largimin.
Sipas the Athletic, ai dhe agjenti i tij, Mino Raiola, po shqyrtojnë të gjitha mundësitë.
Tash e sa kohë, Pogba e ka bërë të ditur se ëndrra e tij është të luaj për Real Madrid-in, por edhe Paris Saint-Germain qëndron fort në garë.
Mirëpo, fillimi shumë i mirë i sezonit që e ka pasur te Manchester United, e ka shtyrë Pogba-n të mendojë dy herë para se të marrë një vendim.
Francezi në katër ndeshje këtë sezon, ka arritur shtatë asistime.
Ai ka treguar rendiment të lart qysh nga ndeshja e parë, duke e bërë United-in që të kërkojë fillimin e bisedimeve për rinovimin.
Mirëpo, kjo gjë nuk ka ndodhur ende, me Pogba-n që aktualisht është i qetë.
Blerjet e reja të United, Varane, miku i mirë i Pogba-s, Cristiano Ronaldo dhe Jadon Sancho, mund ta shtyjnë francezin që sukseset t’i kërkojë në Teatrin e Ëndrrave, e jo diku tjetër.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
