Kanë kaluar pesë muaj që nga hera e fundit kur Sergio Ramos ka luajtur futboll.
Atë botë, spanjolli ishte futbollist i Real Madrid-it.
Pas përfundimit të kontratës, Ramos u largua në drejtim të Paris Saint-Germain pasi ai kaloi 16 vite te madrilenët.
Legjenda e Madrid-it, tani pritet të debutojë në Paris, klubin e tij të ri.
Siç zbulon Diario AS, tabloidi i madh spanjoll, Ramos është rikuperuar nga dëmtimi në kyçin e këmbës.
Performancat e tij në stërvitje kanë qenë shumë pozitive dhe Pochettino mendon se tani është koha e duhur për rikthimin e tij.
Paris Saint-Germain do të përballet të premten në mbrëmje me Angers.
Në “Parc Des Princes”, Sergio Ramos pritet të jetë njëri nga emrat në formacionin startues të PSG-së.
Ky më në fund do të jetë edhe debutimi më i shumëpritur në Paris, pas atij të Lionel Messi-t.
Me Ramos-in në klub, PSG tenton të gjejë balancën në mbrojtje që i ka munguar tash e shumë kohë, sidomos gjatë këtij sezoni.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Përcaktohen gjysmëfinalet e ‘Final Four”, në rrugën drejt titullit kampion
-
“Abissnet Superiore” për vajza/ Vllaznia mund Apoloninë në finale & shpallet kampione e Shqipërisë për herë të 11-të
-
Final Four ‘pasuron’ katër ekipet pjesëmarrëse me bonuset e majme
-
Fonseca mohon marrëveshjen me Marseille mes lidhjeve me Milan-in
