Kryeministri i Shqipërisë, Edi Rama, të martën e 6 prillit, në Korçë, ka inspektuar Bibliotekën e re të këtij qyteti, ku po hapet dhe qendra e mësimeve të teknologjisë së lartë.
“Fakti që këtu ka filluar puna, tregon që është një program i nisur. Plani i Veprimit ka edhe aspektin e financimit të këtyre qendrave, të përfshirjes dhe të stimulimit të të rinjve”, ka deklaruar Rama.
Sipas kryeministrit, nëpërmjet Planit të Veprimit 2021-2025 do të krijohen qendra teknologjike.
Fillimisht, në disa bashki qendra qarku dhe, më pas, tek të gjitha bashkitë e vendit, nga Veriu në Jug.
Sakaq, foli dhe kryetari i Bashkisë Korçë, Sotiraq Filo. Ai shpjegoi qëllimin e programit në sektorin e teknologjisë.
Nëpërmjet kësaj mbështetjeje do të krijohen “hapësira të pafundme” të punësimit, për të rinjtë e Bashkisë Korçë.
Më herët, gjatë prezantimit të programit politik, të Partisë Socialiste (PS), kryeministri ka premtuar mbështetje në fushën e teknologjisë për të rinjtë e Korçës, por jo vetëm.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës