Shqipëria është përfshirë nga reshtjet e dëborës gjatë fundjavës, duke shkaktuar jo pak probleme në disa zona të vendit.
Ndërkohë që aksi Elbasan-Librazhd ka pasur problematika gjatë orëve të natës, në Pogradec gjendja është normale.
Në pamjet ekskluzive për Albanian Post, fotografi amerikan James Leithart, banues në qytetin juglindor, përshkruan situatën si të qetë.
“Nuk ka vështirësi të mëdha për momentin në qarkullim”, thotë Leithart. “Rrugët nuk janë në gjendje të shkëlqyer, por të kalueshme”.
“Në rrugët kryesore, punonjësit e Bashkisë po përpiqen të heqin sasinë e madhe të borës. Trotuaret, thuajse janë pastruar të gjithë për kalimin e këmbësorëve. Ecja në qytet nuk është e vështirë. Madje, banorët, në veçanti fëmijët, kanë dalë të shijojnë borën”.
Leithart është bërë i njohur në Shqipëri, për videot që ai publikon në median YouTube, mbi jetesën e një amerikani në vendin tonë. Në veçanti, në Pogradec.
Ai ka vënë në dispozicion pamjet ekskluzive të Pogradecit nën borë për Albanian Post.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”
