![](https://albanianpost.com/wp-content/uploads/2023/02/Pamja-e-ekranit-2023-02-12-193857.png)
Peja ka fituar super derbin dhe klasiken e basketbollit të Kosovës ndaj Sigal Prishtinës në një duel dramatik dhe interesant me rezultat 74:72. Kjo ndeshje i takonte xhiros së 22-të në Prince Caffe Superligës.
Bardhekaltrit e nisën ndeshjen me një seri prej 0:5, por pejanët u kundërpërgjigjen shpejt dhe më pas zhvillohet lojë e barabartë, por vendasit nuk u ndalën dhe që në çerekun e parë krijuan epërsi prej dhjetë pikësh, duke e fituar këtë pjesë 28:18.
Kryeqytetasit u rikthyen në periudhën e dytë, ku ngushtuan shifrat në 30:27, por skuadra verdhezi sërish u shkëput duke krijuar epërsi deri në 13 pikë, 45:32, ndërsa pjesa e parë përfundon 47:36.
Në periodën e tretë, Peja arriti të kishte epërsi deri në 14 pikë, 57:43, që ishte më e larta në ndeshje, sidoqoftë, prishtinasit u rikthyen sërish, ku rezultati pas 30 minutash ishte 61:55.
Në dhjetë minutat e fundit u zhvillua dramë deri në fund, ku mysafirët afruan rezultatin në 74:72, e më pas Tate i vendasve humbi dy gjuajtja të lira, ndërsa në aksionin e fundit, Thomas i mysafirëve nuk shënoi dhe Peja iu rikthye fitoreve.
Te Peja u dalluan Arti Hajdari me 14 pikë, Jalen Tate me 19 dhe David Joseph me 18, ndërsa te Sigal Prishtina u dalluan Dardan Berisha me 22 pikë, gjashtë kërcime e gjashtë asistime dhe Derrick Ëilson me 23 pikë e gjashtë kërcime.
Tani Peja ka 15 fitore e shtatë humbje, kurse Sigal Prishtina 16 fitore e gjashtë humbje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Basha sulmon sërish Berishën: Je në pazar me Ramën, sqaro demokratët për pengimin që i bën opozitës
-
Finalet e EURO 2024/ Mitaj: Atmosfera në skuadër është shumë e mirë, tashmë i gjithë fokusi është te ndeshja me Kroacinë
-
Von der Leyen fshehu raportin për shkeljen e lirisë së mediave në Itali, për të marrë mbështetjen e Melonit
-
Stano: Bislimi s’ka nevojë të spekulojë rreth raportit të Borrellit për masat