Partia Demokratike e Kosovës nuk do të përkrahë projekt-buxhetin e vitit 2024 me argumentin se buxheti i destinuar për vitin e ardhshëm nuk sjellë asnjë alternativë zhvillimore dhe nuk është buxheti i mirëqenies qytetare.
Deputeti i PDK-së, Mërgim Lushtaku, në seancën plenare të Kuvendit të Kosovës ku po shqyrtohet Projektligji mbi ndarjet buxhetore për vitin 2024, ka shpjeguar se pse partia e tij, nuk është pro këtij buxheti.
“Buxheti i vitit 2024 nuk paraqet kërkesat dhe pritshmëritë e qytetarëve të bizneseve, por as edhe kërkesat e pritshmëritë e organizatave buxhetore, si i tillë duket me i madh në shifër, por në një situatë krize jo vetëm ekonomike ky buxhet i lenë më të varfër qytetarët e Kosovës”.
Planifikimi buxhetor, sipas Lushtakut, jo që nuk ndikon në jetën e qytetarëve, por nuk parasheh asnjë projekt nga i cili qytetarët do të kishin më shumë mirëqenie.
“Mbi 32 për qind të buxhetit do të investohet për të thelluar inflacionin e për të rritur importin. Mbi 32 për qind e buxhetit shtetëror do të shpenzohet pro shkatërrimit zinxhirit të biznese prodhuese e për më pak vende pune”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kurti me partnerët e koalicionit: Zgjedhjet e parakohshme, nëse ka harmonizim të plotë të opozitës
-
6 familje kërcënojnë me vetëflijim ndaj shembjes së banesave të tyre në Thumanë-Kashar
-
Administrata e Biden planifikon dërgesë armësh prej 1 miliard dollarësh në Izrael
-
Takimi i shtatë për dinarin – “rasti i fundit” për një zgjidhje kompromisi