Pas fitores në SHBA, e djathta ekstreme i afrohet Evropës për ligjet e abortit

Për shumë nga ata që e kanë ndjekur ndër vite sulmin kundër abortit në Shtetet e Bashkuara të Amerikës, rrjedhja e projektvendimit të Gjykatës së Lartë për rrëzimin e Roe kundër Wade nuk ishte befasuese.

Kjo e fundit mbron të drejtën e një aborti në SHBA, deri në atë pikë sa fetusi mund të mbijetojë jashtë barkut të nënës.

Ideologët ungjillorë, aktorët e ekstremit të djathtë dhe miliarderët e djathtë radikal kanë organizuar minimin e të drejtës së grave për aborte të sigurta, ligjore, përmes një kombinimi të sulmit ndaj klinikave, parave nën dorë dhe ndikimit politik.

Pas vitesh me sulme ligjore që kufizuan lejimin e abortit dhe pastaj keqinformimet e përhapura ngado, zgjedhjet e Donald Trump-it i hapën derën minimit të së drejtës së abortit në SHBA.

Çka kërkonte që gjykata, jo politikanë, t’i jepte fund abortit. Dhe këtu hyn në lojë Shoqëria Federale.

E drejtuar nga Leonard Leo, organizata ligjore mbështeti ligjvënësit kundër abortit në të gjithë SHBA-të në pozita të ndikimit ku ata mund të hartojnë ligje për të ndaluar abortin pas 15 javësh, 12 javësh, gjashtë javësh dhe plotësisht.

Qëllimi përfundimtar ishte që shtetet kundër abortit të përpiqeshin të zbatonin një nga këto ligje, ku do të sfidohej përsëri e përsëri, derisa të arrinte në Gjykatën Supreme.

Për ta bërë këtë, lëvizja kundër abortit kishte nevojë për gjyqtarë të Gjykatës Supreme që do të miratonin agjendën e saj.

Ata ndoqën rrugën me ndihmën e drejtuesit të Senatit, Mitch McConnell, i cili bllokoi presidentin Obama të emërojë një gjykatës të Gjykatës Supreme, duke e lënë fushën të hapur për Trump-in për të promovuar anti-abortin.

Pas kësaj, erdhën edhe dy gjyqtarë të tjerë të emëruar nga Trump-i: Brett Kavanaugh dhe Amy Coney Barrett.

Ky ishte sulmi gjyqësor ndaj të drejtës së abortit. Por ai sulm mund të ndodhte vetëm me ndihmën e parave.

Për lëvizjen kundër abortit ka shumë themele të pasura të prirura për të financuar kauzën. Ato përfshijnë Devos, Prince dhe Fondacionin Templeton, të cilët kanë ndihmuar në mbështetjen e organizatave.

Këto organizata dhe mbështetësit e tyre të miliarderëve kanë shtrirje transatlantike.

Në të gjithë sferën e ekstremit të djathtë, burrat kanë diskutuar nevojën për të ndaluar abortin nëpërmjet shumë teorive konspirative

Këto teori qarkullojnë globalisht dhe kjo është arsyeja pse njerëzit jashtë SHBA-ve nuk duhet të veprojnë vetëm në solidaritet me gratë amerikane në këtë kohë.

Ata duhet të përgatiten të ngrihen kundër rrëzimit të të drejtave të fituara.

Marrë nga “The Guardian”, përshtatur për “Albanian Post”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.