Ozon-i zgjerohet në shërbimet financiare

Kompania e dytë më e madhe elektronike në Rusi, Ozon, do të zgjerohen në shërbime financiare dhe ushqimore teksa del kundër rivalëve që duan pjesën e tyre të tregut të financave dhe teknologjisë.

E përditshmja, Financial Times, tregon se shefi ekzekutiv i kompanisë, Alexander Shulgin, gjatë një interviste ka deklaruar se kompania do të aplikojë për një licencë bankare në mënyrë që të fillojë ofertat e saj duke përfshirë blerjen e huave për tregtarët që shesin në platformën e saj.

“Është e vështirë për bizneset e vogla dhe të mesme të marrin financim me kushte të arsyeshme. Madje është shumë e shtrenjtë dhe e paarritshme”, ka thënë ai.

Shulgin ka shpjeguar se “ne shohim shkallën e qarkullimit të mallrave të tyre, ne shohim angazhimin e konsumatorëve të tyre, ne shohim shkallën e tyre të konvertimit, ne ruajmë mallrat e tyre – të gjitha këto të dhëna na lejojnë të marrim një vendim të informuar për madhësinë e shitësve të kresive për të bërë biznes”.

Aktualisht Ozon-i numëron 450 mijë përdorues të kartës së debitit dhe po kërkon të zgjerohet në depozita duke ndjekur firmat rivale teknologjike të shërbimeve financiare.

Edhe pse kompania ka pasur investime të konsiderueshme të kapitalit sipërmarrës, ajo nuk ka arritur një fitim të madh në luftën e saj për të dominuar në tregun e blerjeve në internet. Kjo ka ndodhur edhe për shkak të logjistikës së dobët të Rusisë.

Megjithatë, Shulgin ka deklaruar se do të investojë shumë në ndërtimin e një rrjeti që mund të mundë rivalët e Ozon-it. Deklarata e tij vjen pas grumbullimit të 1.2 miliardë dollarëve në ofertën fillestare publike të New York-ut gjatë vitit të kaluar dhe shitjes së një bonoje prej 750 milionë dollarëve këtë vit.

“Ka kaq shumë hapësirë në treg. Në thelb është një dhomë bosh për sa i përket asaj që mund të bësh. Ka shumë lojtarë, tregu është vërtet i fragmentuar dhe për t’u rritur nevojiten shumë investime, IT dhe shumë infrastrukturë”, ka thënë shefi i Ozon-it për mundësitë dhe pengesat e tregut të elektronikës në zhvillim.

Ai ka vazhduar duke thënë se “jo shumë kompani janë të gatshme t’i bëjnë të gjitha këto sepse do të thotë të marrësh humbje. Por, ne jemi të gatshëm t’i marrim pasi e shohim se çmimi për disa vjet përpara do të jetë i jashtëzakonshëm”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.